Dünya Kuboku üçün daha bir bilet sahibini tapdı
Cezayir millisi Dünya Kubokunda
Dünya Kuboku Afrika seçmə mərhələsinin G qrupunda Cezayir, səfərdə Somali ilə qarşılaşıb. Matç, Cezayirin 3-0 hesablı qələbəsi ilə başa çatıb. Qolları Muhammed Amura (7 və 57-ci dəqiqələr) və Riyad Mahrez (19-cu dəqiqə) vurub.
Bu qələbə sayəsində xallarını 22-yə yüksəldən Cezayir seçmə mərhələsinin bitməsinə bir tur qalmış liderliyini təmin edərək Dünya Kubokuna vəsiqə qazanıb.
Dünya Kubokunda iştirakı dəqiqləşən ölkələrin sayı artır
Bu nəticə ilə Dünya Kubokunda iştirakı dəqiqləşən ölkələrin sayı 20-yə yüksəlib.
Cezayirlə yanaşı Avstraliya, İran, Yaponiya, İordaniya, Cənubi Koreya, Özbəkistan, Yeni Zelandiya, Misir, Mərakeş, Tunis, Argentina, Braziliya, Kolumbiya, Ekvador, Paraqvay və Uruqvay da indiyədək Dünya Kubokunda iştirakını təmin edən digər komandalardır.
2026 Dünya Kuboku
Qeyd edək ki, ABŞ, Kanada və Meksikanın birgə ev sahibliyi edəcəyi 2026 FİFA Dünya Kuboku tarixində ilk dəfə 48 komandanın iştirakı ilə 11 iyun – 19 iyul 2026-cı il tarixlərində keçiriləcək.
Ev sahibi ABŞ, Kanada və Meksika Dünya Kubokuna birbaşa qatılacaq.