İstanbulda Rusiya-Ukrayna danışıqlarının üçüncü turu: İştirakçı adları bəlli oldu

Rusya ilə Ukrayna arasında 24 fevral 2022-ci ildə başlayan Rusiya-Ukrayna müharibəsinə son qoymaq məqsədilə İstanbuldakı Çırağan Sarayında yenidən sülh danışıqları aparılacaq. Ukraynalı rəsmilər görüşlərin Türkiyə vaxtı ilə saat 19:00-da başlayacağını bildiriblər.

Rus Nümayəndə Heyətində Dəyişiklik Yoxdur

Kreml sözçüsü Dmitri Peskov danışıqlara qatılacaq Rusiya heyətində heç bir dəyişiklik olmadığını açıqlayıb. Buna əsasən, Rusiya heyətinə Rusiya Prezidenti Vladimir Putinin müşaviri Vladimir Medinski rəhbərlik edəcək.

Heyətdə Xarici İşlər nazirinin müavini Mixail Qaluzin, Baş Qərargahın Baş Kəşfiyyat İdarəsinin (QRU) rəisi İqor Kostyukov və müdafiə nazirinin müavini Aleksandr Fomin yer alacaq. Ekspertlər siyahısında isə Rusiya Baş Qərargahının İnformasiya İdarəsi rəisinin müavini Aleksandr Zorin və Prezident Administrasiyasının Humanitar Dövlət Siyasəti İdarəsi rəisinin müavini Yelena Podobreyevskaya, habelə Xarici İşlər Nazirliyinin Müstəqil Dövlətlər Birliyi İkinci İdarəsinin direktoru Aleksey Poliçuq və Müdafiə Nazirliyinin Beynəlxalq Hərbi Əməkdaşlıq Baş İdarəsi rəisinin müavini Viktor Şevtsov var. Vladimir Medinski 2022-ci ildə keçirilən danışıqlara da Rusiya heyətinə rəhbərlik etmişdi.

Ukrayna Nümayəndə Heyəti Də Müəyyən Edilib

Ukrayna Prezidenti Volodimir Zelenski Rusiya ilə üçüncü raund sülh danışıqlarında ölkəsini təmsil edəcək nümayəndə heyətinin siyahısına dair fərman imzalayıb. Fərmana əsasən, Ukrayna heyətindəki adlar da ikinci raund danışıqlarda iştirak edənlərdən ibarət olacaq.

Ukrayna heyətinə Milli Təhlükəsizlik və Müdafiə Şurasının katibi Rüstəm Ümərov rəhbərlik edəcək. Heyətdə Ukrayna Prezident Ofisinin rəhbərinin müşaviri Oleksandr Bevz, Hərbi Dəniz Qüvvələri Komandanlığı Qərargahı rəisinin müavini Oleksandr Dyakov, Xarici İşlər nazirinin müavini Sergey Kislitsa, habelə Baş Qərargah rəisinin müavinləri Yevgeni Ostryanski və Oleksi Şevçenko, Təhlükəsizlik Xidmətinin (SBU) rəis müavini Oleksandr Poklad və Müdafiə Nazirliyinin Baş Kəşfiyyat İdarəsinin (QUR) rəis müavini Vadim Skibitski ilə Xarici Kəşfiyyat Xidməti rəisinin müavini Oleq Luqovski iştirak edəcək.

Ukrayna heyətində, habelə Baş Qərargahın Mərkəzi Hüquq İdarəsi Beynəlxalq və Əməliyyat Hüququ İdarəsi rəisinin müavini Andrii Fomin, Silahlı Qüvvələr Baş Komandanlığı Dəstək Bölməsinin Protokol zabiti Georgi Kuzmiçev, Baş Qərargahın Baş Əməliyyat İdarəsinin baş zabiti Oleksandr Şerixov, Hərbi Hava Qüvvələri Komandanlığı Qərargahı rəisinin müavini Yevgeni Şinkarev və Ukrayna Parlamentinin İnsan Hüquqları üzrə Komissarının nümayəndəsi Yuri Kovbasa da var.

Əvvəlki Proses Necə Olmuşdu?

Bir əvvəlki sülh danışıqlarında müdafiə naziri kimi rəhbərlik edən Ümərov, keçən həftə kabinetdə edilən dəyişikliklər çərçivəsində Milli Təhlükəsizlik və Müdafiə Şurasının Katibi vəzifəsinə təyin edilmişdi. Bu, nümayəndə heyəti rəhbərliyindəki yeganə əhəmiyyətli dəyişikliyi təşkil edir.

24 saat