Çağlar Ertuğrul Sosial Mediada Ben Afflek Mimikası ilə Gündəm Oldu
Türkiyənin tanınmış aktyoru Çağlar Ertuğrul son günlər həm sosial şəbəkələrdəki paylaşımları, həm də nümunəvi xeyriyyəçi addımı ilə geniş müzakirələrə səbəb olub. Dəniz kənarında yalnız dəsmala bürünmüş halda verdiyi poz qısa müddətdə minlərlə bəyənmə və şərhlə qarşılanıb. Bu şəkil Hollivud ulduzu Ben Afflekin vaxtilə viral olan “kədərli Ben” pozasına bənzərliyi ilə diqqət çəkib. Aktyorun bu yumoristik addımı izləyiciləri tərəfindən böyük rəğbətlə qarşılanıb; həm bənzərliyə, həm də Çağlar Ertuğrulun zərif yumor hissinə təriflər yağdırılıb. Xatırladaq ki, Ben Afflekin zamanında çəkilmiş bu kədərli pozu sosial mediada geniş müzakirələrə səbəb olmuş və saysız-hesabsız məzəli məzmunun mövzusu olmuşdu.
“Prens” Serialının Ulduzu Gəlirini Uşaqlara Bağışlayacaq
“Prens” serialının sevilən ulduzu Çağlar Ertuğrul, sənətçi kimliyi ilə yanaşı, cəmiyyətə faydalı fəaliyyətləri ilə də adından söz etdirir. O, bu yaxınlarda Türkiyə Korunmaya Muhtaç Çocuklar Vakfı’nın (Koruncuk) 45-ci İl Balosunda səhnəyə çıxıb. Tədbirdə aktyora təhsilə və Koruncuk Vəqfinə göstərdiyi töhfələrə görə təşəkkür plaketi təqdim edilib. Bu xüsusi gecədə çıxış edən Çağlar Ertuğrul, böyük alqışlarla qarşılanan bir qərarını açıqlayıb. O, rol aldığı “Prens” serialının üçüncü mövsümündən əldə edəcəyi bütün gəliri Koruncuk Vəqfinə bağışlayacağını bildirib.
Sənətçi çıxışında bu sözləri qeyd edib: “Gənc qızlara ailə olduğunuz üçün sizə təşəkkür edirəm. “Prens” serialının mahnısını dilində daşıyan uşaqları gördükcə xoşbəxt oluram. Üçüncü mövsüm gəlirimi Koruncuk Vəqfinə bağışlayıram”. Çağlar Ertuğrulun bu səmimi və alicənab bəyanatı zaldan böyük alqış sədaları ilə qarşılanıb. Onun bu addımı həm sənətsevərlər, həm də xeyriyyəçilik dairələrində yüksək qiymətləndirilib. Bu, bir daha tanınmış simaların cəmiyyətə necə müsbət təsir göstərə biləcəyinin bariz nümunəsidir.
Bir cavab yazın