‘Cevapsız Çınlama’, ‘Sen Olsan Bari’, ‘Nasılsın Aşkta’, ‘Ayrı Gitme’, ‘Başıma Belasın’ və ‘Yalan’ kimi mahnıları ilə tanınan Aleyna Tilki, karyerası, şəxsi həyatı, açıqlamaları və sosial media paylaşımları ilə daim gündəmdə qalır.
İyirmi dörd yaşlı müğənni əvvəlki axşam Şimali Kiprdə bir oteldə verdiyi konsertdən əvvəl verdiyi iddialı açıqlamaları ilə yenidən diqqət mərkəzinə düşüb.
“Tək Rəqibim Özüməm”
Aleyna Tilki “YouTube-da ən çox dinlənilən türk müğənni mənəm” deyərək rəqiblərinə meydan oxuyub. O, “600 milyon dinlənilməyə nail olmuşam. Mənə ən çox yaxınlaşan yenə özüməm. Buna görə də, bu rəqəmləri keçə biləcək biri olarmı, bilmirəm, amma mən belə çətin keçərəm. Bəlkə xarici mahnı ifa etsəm, bu rəqəmi aşmaq mümkün olar. Bunu deyə bilərəm ki, həmişə belə olub. Tək rəqibim yenə özüməm” deyib.
“Bir Anda Evlənib Övlad Dünya Gətirə Bilərəm”
Şəxsi həyatı ilə bağlı suallara cavab olaraq müğənni bildirib: “Uzun müddətdir yanımda birini görmürsünüz, çünki mən elə biri deyiləm. Lisey illərində, sevgilimlə gəzməli olduğum yaşlarda işlədiyim üçün, sevgili necə olunur bilmirəm. Mən əl-ələ tutub kiminləsə gəzən biri deyiləm. Amma heç yanımda görmədiyiniz bir insanla bir anda evlənib övlad da dünyaya gətirə bilərəm.”
“Ana Mən Tomorrowland-ə Çıxdım”
Aleyna Tilki ötən günlərdə Belçikada keçirilən məşhur elektronik musiqi festivalı Tomorrowland-də səhnə almışdı. Festivalda DJ Dillon Fransisin setinə qonaq olan gənc müğənni “Real Love” mahnısını ifa etmişdi.
Festivaldakı performansı böyük maraq doğuran sənətçi həyəcanını sosial şəbəkələrdə də bölüşmüşdü.
Əvvəlcə DJ Dillon Fransisə təşəkkür edən ifaçı, “Səhnənizi mənimlə paylaşdığınız üçün təşəkkürlər” ifadələrini işlətmiş, daha sonra festival səhnəsində mahnı oxuduğu anları bu qeydlə yayımlamışdı: “Ana mən Tomorrowland-ə çıxdım! Bayraqları asın.”
Leave a Reply