Almaniyada dəhşətli cinayət: İtkin düşən Gülşahın cansız bədəni bavulda tapıldı
Almaniyanın Baden-Vürtemberq əyalətinə bağlı Filderştadt şəhərində iyul ayından bəri itkin kimi axtarılan 40 yaşlı Türkiyə vətəndaşı Gülşahın cansız bədəni çamadanın içində aşkar edilib.
Roytlingen Polis İdarəsindən verilən məlumata görə, Filderştadtın Bonlanden səmtində, bir piyada körpüsünün altında olan çamadan ərazidə işləyən inşaatçılar tərəfindən görülüb. Çamadanı açarkən qadın cəsədi ilə qarşılaşan işçilər dərhal polisə xəbər veriblər. İlkin araşdırmalardan sonra tapılan cəsədin 21 iyuldan etibarən itkin düşmüş elan edilən 40 yaşlı Türkiyəli qadın Gülşaha aid olduğu təsdiqlənib.
Gülşahın qətli ilə bağlı xüsusi istintaq qrupu yaradıldı
Sonuncu dəfə 21 iyul tarixində Ştutqartda göründüyü bildirilən Gülşahın ailəsi tərəfindən itkin düşdüyü barədə polisə məlumat verilib. Bildirilib ki, qadın itkin düşməzdən əvvəl bir müddət küçələrdə yaşayıb, daha sonra ailəsinin yanına qayıdıb və bir övlad anası idi.
Almaniya polisi hadisə ilə əlaqədar cinayətkarın və ya cinayətkarların yaxalanması üçün 44 nəfərdən ibarət “Soko Trolley” adlı xüsusi bir qrup yaradıb. Lakin hələ ki, cinayəti törədən şəxs aşkarlanmayıb. Polis, hadisə haqqında məlumatı olan şəxslərdən xəbər vermələrini xahiş edib. Prokurorluq, dəqiq məlumat verən şəxsə 1.000 avro mükafat veriləcəyini açıqlayaraq əlaqə nömrələrini yayımlayıb.
Hadisə televiziya ekranlarına daşınacaq
Digər tərəfdən, bu dəhşətli cinayət Almaniyanın ZDF kanalında yayımlanan məşhur cinayət proqramı “Aktenzeichen XY… Ungelöst”də 17 sentyabr çərşənbə günü işıqlandırılacaq və Gülşahın qətli ilə bağlı ətraflı məlumatlar təqdim ediləcək.

Leave a Reply