Lionel Messi “Barselona”dakı seçkilərə hazırlaşır
Futbol dünyasının ulduzu, “Barselona”nın yetirməsi və 16 il ərzində bu komandanın formasını şərəflə daşıyan, kapitanlıq missiyasını da uğurla yerinə yetirən Lionel Messi, diqqətini “Barselona”da keçiriləcək prezident seçkilərinə yönəldib.
Hazırda MLS komandası “İnter Mayami”də çıxış edən argentinalı ulduz futbolçu, “Barselona”dakı son mövsümündə Laporta rəhbərliyinin yeni müqavilə sözünə baxmayaraq, maliyyə səbəblərini əsas gətirərək Messi ilə yollarını ayırmışdı. İndi isə “Barselona”da baş tutacaq prezident seçimi üçün Messinin intiqam planı hazırladığı iddia olunur.
Lionel Messi dəstəyini rəqibə verəcək
İspan mətbuatının məlumatına əsasən, 38 yaşlı futbolçu, 2026-cı ildə keçiriləcək “Barselona” prezident seçkilərində fəal rol oynayacaq. İddialara görə, Messinin birbaşa və ya dolayısı ilə rəqibə dəstək vermək planları var.
“Barselona”da seçki gündəmi formalaşmağa başlayarkən Laporta rəhbərliyinə qarşı müxalif qruplar birləşmiş cəbhə yaradıblar. Seçkidə Laportanın tərəfində yer almayacaq argentinalı futbolçunun müxalifəti dəstəkləyəcəyi iddia edilir. Xəbərin davamında Messinin Laportaya qarşı hərəkət etməsi halında, maliyyə cəhətdən çətin günlər yaşayan La Liqa nəhənginin prezidentlik postunda dəyişiklik yaşanmasının mümkün olduğu da vurğulanır.
Karyerasında saysız-hesabsız rekordlara imza atan və statistikaları alt-üst edən Messi, “Barselona”da 4 dəfə UEFA Çempionlar Liqası çempionluğu, 3 UEFA Super Kuboku, 10 La Liqa çempionluğu, 7 İspaniya Kuboku, 8 İspaniya Super Kuboku və 3 FIFA Klublararası Dünya Kuboku qazanıb.
Leave a Reply