FUTBOLÇUNUN YENİ ÜNVANI BƏLLİ OLDU
Türkiyənin tanınmış klublarından “Fenerbahçe” ilə müqaviləsi başa çatan və “Beşiktaş”la transferi son anda baş tutmayan Bright Osayi Samuelin gələcək karyera ünvanı rəsmi olaraq məlum olub. Nigeriyalı sağ cinah oyunçusu gözlənilmədən yenidən İngiltərə futboluna qayıdır. Bu keçid onun üçün yeni bir başlanğıc olmaqla yanaşı, İngiltərə Çempionşipindəki təcrübəsini davam etdirmək şansı verir.
ÇEMPİONŞİPƏ GERİ DÖNDÜ
Ötən mövsüm möhtəşəm çıxış edərək İngiltərə Çempionşipinə yüksəlməyi bacaran Birmingham City klubu, 27 yaşlı Osayi Samueli heyətinə qatdığını rəsmi şəkildə bəyan edib. Klub Nigeriyalı futbolçu ilə 3 illik müqavilə imzalayıb. Bu transfer, komandanın gücləndirilməsi və gələcək mövsümdə daha iddialı çıxış etməsi üçün atılan vacib addımlardan biri hesab olunur. Transferin maliyyə detalları hələlik açıqlanmasa da, tərəflər arasında razılaşmanın əldə olunduğu təsdiqlənib.
Qeyd edək ki, Osayi Samuelin “Beşiktaş”la anlaşmağa çox yaxın olmasına baxmayaraq, atasının son dəqiqə tələbləri səbəbindən danışıqlar uğursuzluqla nəticələnmişdi. Bu gözlənilməz dönüş futbol ictimaiyyətində geniş müzakirələrə səbəb olmuş və oyunçunun karyerasında gözlənilməz bir istiqamət vermişdi. Onun İngiltərəyə qayıtması azarkeşlər tərəfindən müsbət qarşılanıb.
Bir cavab yazın