Trendyol Süper Liqanın 8-ci turunda Trabzonspor öz meydanında Kayserispor komandasını qəbul edib və 4-0 hesabı ilə qalib gəlib. Qarşılaşmadan sonra Trabzonspor-un baş məşqçisi Fatih Tekke açıqlamalar verib.
## “Gəmini Limana Gətirdik”
Trabzonspor baş məşqçisi Fatih Tekke, qolkiper Onananın performansını xüsusi qeyd edərək, “Layiq olduğumuz bir qələbə qazandıq. Hesabı qoruyan Onana oldu. İlk hissədə bizim də bir çox qol imkanımız var idi. Mənfi hal kimi sadə top itkilərini və əks-hücumlardan buraxdığımız boşluqları qeyd edə bilərəm” deyib.
Fatih Tekke, komandanın yüksəlişə doğru getdiyini vurğulayaraq, “Altı ay əvvəl gəldiyimizdə də müəyyən bir hiss var idi. Bir yola çıxdıq və gəmini limana gətirdik. Bu il üçün “küləyə ehtiyacımız var” dedik və azarkeşlərimiz bizim üçün bu külək rolunu oynayır. Həm təməlini qoymağa çalışan, həm də yarışan bir Trabzonspor var” sözlərini əlavə edib.
## “Gənc Bir Komandamız Var”
Gənc futbolçuların oyunundan razı qaldığını bildirən Fatih Tekke, “Qeyd edilməli bir çox oyunçu var. Oulai gəncdir, 2006-cı il təvəllüdlüdür. Bu, onun ikinci oyunu idi və uğurlu performans göstərdi. Üstəlik, çox da tanış olmadığı bir mövqedə oynadı. Transfer etdiyimiz zaman tənqid olunduq, lakin indi azarkeşləri həyəcanlandıran bir ad oldu. Düşünürəm ki, Bouchouari daha çox həyəcanlandıracaq. Əskiklərimiz var, yaş ortalamamız aşağıdır. Hesab yaxşı olsa da, 1-0, 2-0-dan sonra geniş sahələr yarandı. Bu hesab bizi yanıltmasın” deyib.
Yay transfer dönəmində edilən transferlərə toxunan təcrübəli məşqçi, “Əldə edə biləcəyimiz ən uyğun oyunçuları aldıq. Hər istədiyimizi ala bilmədik. Bu tribunaların tam dolduğunu yalnız U19 matçında gördüm. Ola bilsin ki, narazıdırlar, lakin gənc bir komandamız var. Nəsə etmək istəyirlər, yarışmaq da istəyirlər. Trabzon insanının görmək istədiyimiz tərəfi dəstəkdir. Bunu görmək istəyirəm. Atmosfer bizim üçün çox önəmlidir. Qazandıqca və yaxşı oynadıqca, onları da tribunaya cəlb etmək bizim vəzifəmizdir” deyə bildirib.
24 saat
