“Babam və Oğlum”un “Deniz”i Radikal Qərarı ilə Gündəmdə
Çağan İrmakın rejissorluğu ilə çəkilən və kinoteatrlarda nümayiş olunduğu ilk andan etibarən geniş kütlə tərəfindən sevilən “Babam və Oğlum” filminin “Deniz” obrazını canlandıran Ege Tanman izləyən hər kəsi göz yaşlarına qərq etmişdi.
“Babam və Oğlum“da rol aldığı zaman hələ 7 yaşında olan Ege Tanman, indi 26 yaşında gənc bir oğlan olaraq həyatına davam edir.
Gənc aktyor “Instagram” hesabından verdiyi radikal qərarı ilə yenidən diqqət mərkəzinə düşüb.
“SEVGİ-NİFRƏT MÜNASİBƏTİMİZ DAVAM EDƏCƏK”
Tanman öz açıqlamasında deyib: “İstanbul səhifəsini çox yaxın zamanda bağlayıram. Yeni həyat, yeni macəralar, yeni həyəcanlar məni gözləyir. Səni, xaosunu, tıxaclarını darıxacağım kimi gəlsə də, sevgi-nifrət münasibətimiz davam edəcək, İstanbul. Daha gözəl zamanlarda, daha gözəl xatirələr toplamaq ümidi ilə.”
SERIALA NECƏ SEÇİLDİYİNİ DANIŞMIŞDI
Ege Tanman illər əvvəl “Babam və Oğlum” serialına necə seçildiyini bu sözlərlə danışmışdı:
“2002-2003-cü illərdə, hələ 5 yaşım olanda, Kanal D-nin sevilən layihəsi ‘Kınalı Kar’ Bursada çəkilirdi. Həmin dövrdə serial çox populyar idi. ‘Kınalı Kar’ Bursada çəkilərkən bir agentlik getdiyim bağçaya gələrək bir neçə uşaq aktyora ehtiyacları olduğunu söylədi. Hər kəs kimi mən də getdim. Təsadüfən seçildim. Macəra tamamilə belə başladı.”
“Şirin bir uşaq idim, lakin sarısaçlı, rəngli gözlü o qədər yaraşıqlı, gözəl uşaqlar var idi ki… ‘Mən seçilmərəm’ dedim. ‘Kınalı Kar’dan 50 bölümlük təcrübəm var idi. Buna görə də atam bu mətni görəndə həvəslənmişdi.”
“Sonra Çağan İrmakın e-poçt ünvanını tapdı. İzlədilər, ertəsi gün bizi dəvət etdilər. ‘Tamam, əmin olduq’ dedik. Sonra Bursaya qayıtdıq. Bir telefon gəldi: ‘Təəssüf ki, biz Ege ilə bu layihədə işləməyəcəyik’ dedilər. Biz çox üzüldük. Mənim yerimə seçilən uşaq əzbərləməkdə çətinlik çəkəndə yenidən ‘Ege, gəl’ dedilər. Bir az mübarizə apararaq (çətinliklə) rolu aldıq. Çəkilişlərə başlamazdan əvvəl bütün ssenarini əzbər bilirdim.”
