1996-cı il “Türkiyənin Ən Yaxşı Modeli” müsabiqəsinin qalibi Güzide Duran 3 aprel 2008-ci ildə Çırağan Sarayında iş adamı Adnan Aksoy ilə evlənib. Cütlüyün iki övladı dünyaya gəlsə də, evliliklərində böhran yaşanıb və onlar boşanma qərarı alıblar.
Boşanma iddiaları davam edərkən, modelin adı “Qalatasaray”ın baş məşqçisi Okan Burukla eşq dedi-qodularına qarışıb. Əri həyat yoldaşının ona xəyanət etdiyini və təhqir etdiyini iddia edərək 2 lirəlik təzminat tələb edib.
Model isə boşanmanın səbəbkarının əri olduğunu bildirərək qarşı iddia qaldırıb. 20 milyon lirə təzminat tələb edən Duran, ailədaxili şiddət iddialarını da dilə gətirib.
Bu proseslər davam edərkən, Güzide Duranın adı “Beşiktaş” Klubunun keçmiş sədri Fikret Ormanla eşq münasibətləri olduğu deyilirdi. Ötən həftə isə cütlüyün sevgisi təsdiqini tapıb. Onlar Arnavutköydəki bir məkandan əl-ələ çıxarkən fotokameralara tuş gəliblər.
Soyad Mübahisəsi və Ailə Birliyinə Hörmət
Bu münasibətlərin üzə çıxması modelin hələ də boşanma prosesində olduğu əri Adnan Aksoyun sərt reaksiyasına səbəb olub.
Adnan Aksoy sosial media üzərindən sərt bir açıqlama yayaraq bildirib: “Bu ibrətamiz görüntüləri heç bir əxlaq və vicdan sahibi şəxs qəbul edə bilməz! Çünki boşanma işi davam edir və təəssüf ki, bu şəxsiyyət hələ də mənim soyadımı daşıyır. Ailə birliyinə hörmətdən uzaq bu həyat tərzi və laqeydlik, geridə qoyduğu uşaqlarına qarşı ən yüngül ifadəylə xəyanətdir.”
Aksoyun “Hələ də bu şəxsiyyət soyadımı daşıyır” sözlərindən sonra Güzide Duran sosial media hesablarından “Aksoy” soyadını silib, dünən axşam isə uşaqlarının şəklini paylaşıb.
Oğlu Emir ilə olan şəklinə “Ürəyim, səbr et” qeydini yazan məşhur model, daha sonra izləyiciləri ilə dərdləşib.
Uşaqların Rifahı Ön Plana Çıxarılmalıdır
Övladları Selin və Emirə duyduğu həsrəti dilə gətirən məşhur model deyib: “Hansı uşaq anası və ya atası haqqında pis bir şey eşitmək istəyər? İnsan anasını və ya atasını dəyişdirə bilməz. Həyat belədir, ərlə-arvad yola getməyə bilər və ya boşana bilər, lakin uşağın anasını və ya atasını dəyişdirmək imkanı yoxdur. Valideynlər uşağı bir-birinə qarşı cəbhə açmaqla heç bir fayda görməz, əksinə, uşağın çıxılmaz problemlər yaşamasına yol açar.”
Duran sözlərinə belə davam edib: “Boşanma vəziyyətində yeganə məsum tərəfin uşaq olduğu unudulmamalı və uşağın intiqam vasitəsi kimi istifadə edilməməsi lazımdır. Tərəflərdən birinin mübahisəli vəziyyəti anlayışla qarşılaması ilə uşaq zamanla dürüst tərəfin kim olduğunu və həqiqəti anlayacaq.”
Leave a Reply