Məşhur sənətçinin Tesla avtomobilində dəhşətli cəsəd tapıldı
ABŞ-lı müğənni David Anthony Burke (səhnə adı D4vd) adına qeydiyyatda olan bir Tesla markalı avtomobilin baqajında parçalanmış cəsəd aşkar edilib. Los-Anceles Polisi, Hollivuddakı bir yedəkləmə parkında ətrafdakıların intensiv koku şikayətləri üzərinə genişmiqyaslı araşdırma aparıb. Axtarışlar nəticəsində, avtomobilin baqajında, zibil torbasına bənzər bir paketin içində, ciddi şəkildə parçalanmış və çürümüş halda bir cəsəd tapıldığı bildirilir. Bu dəhşətli tapıntı şəhərdə böyük rezonans doğurub.
Avtomobil beş gün əvvəl tərk edilmişdi
Polis mənbələrindən əldə edilən məlumata görə, Texas nömrə nişanları daşıyan avtomobil ən azı beş gün əvvəl Hollivud Təpələrindəki lüks “Bird Streets” bölgəsindəki parklanma yerində nəzarətsiz şəkildə tərk edilmişdi. Hadisə ilə bağlı 20 yaşlı müğənni David Anthony Burke-ün nümayəndəsi NBC Los-Ancelesə açıqlama verərək sənətçinin bu vəziyyətdən xəbərdar olduğunu və səlahiyyətli orqanlarla tam əməkdaşlıq etdiyini vurğulayıb.
Sənətçi dünya turnesi çərçivəsində səhnəyə çıxır
TikTok sosial şəbəkəsində 3,6 milyon izləyicisi olan məşhur sənətçi hazırda dünya turnesi çərçivəsində müxtəlif ölkələrdə konsertlər verir. Məlumatlara görə, Burke hadisənin baş verdiyi gün Minneapolis şəhərində konsert proqramı ilə çıxış etməyə hazırlaşırmış. İstintaqın davam etdiyi bildirilir.
Leave a Reply