FIFA oyun təqvimlərində köklü dəyişikliklər etməyə hazırlaşır.
Milli aralar birləşdiriləcək
FIFA, oyun təqvimlərində radikal dəyişikliklər etməyə hazırlaşır. Məqsəd, oyun təqvimlərindəki sıxlığı azaltmaqdır. Rəsmilər, milli araların birləşdirilməsini və liqalara tez-tez fasilə verilməməsini planlaşdırırlar. Bu layihənin 2026-cı ildə qüvvəyə minməsi gözlənilir.
Milli aralar uzadılacaq
The Athletic-in məlumatına görə, FIFA 2026-2030-cu illər üçün milli oyunlar təqvimini yenidən formalaşdırmaq qərarına gəlib. Sentyabr və oktyabr aylarında təşkil olunan milli araların birləşdirilməsi planlaşdırılır.
Hər payızda iki dəfə verilən milli fasilə bir dəfəyə endiriləcək, lakin bu fasilə əvvəlkilərdən daha uzun olacaq. Bu qərar həyata keçirilərsə, klublar üç həftə ərzində liqalara fasilə verəcəklər.
Xəbərdə bildirilir ki, bu üç həftəlik yeni dövrdə milli komandalar həm daha çox oyun keçirə biləcək, həm də futbolçuların sıx səfər qrafikində yaşadığı yorğunluğun qarşısı alınacaq. FIFA-nın məqsədi, klub komandaları ilə milli komandalar arasında balansı yenidən qurmaqdır.
Yeni sistemin 2026-cı ildən etibarən tətbiq olunması gözlənilir.
Bir cavab yazın