Qalatasaray azarkeşləri Osimhen-in milli komanda ilə səfərlərindən narahatdır
Osimhen hər dəfə milli komandaya dəvət alanda Qalatasaray azarkeşləri böyük həyəcan yaşayır. Son olaraq Ruanda matçında zədələnmiş və komandasının 3 vacib oyununda (Eyüp, Konyaspor, Eintracht Frankfurt) forma geyə bilməmişdi. Bu dəfə də Lesoto və Benin qarşılaşmaları üçün vətəninə yollanan 26 yaşlı forvardın torpaq sahədə məşq etdirilməsi və köhnə bir avtobusla səyahət etdirilməsi sarı-qırmızılıları əsəbiləşdirib.
Nigeriya Futbol Federasiyasına ciddi xəbərdarlıq
İndi də Nigeriya Futbol Federasiyasından narahatlıq doğuran bir tələb gəlib. Yüksək səviyyəli bir rəsmi şəxs, baş məşqçi Erik Çelleni zədə istisna olmaqla, Viktor Osimhen-i bir daha oyundan çıxarmaması barədə xəbərdar edib. 2-1 qazanılan Lesoto matçının 89-cu dəqiqəsində nigeriyalı ulduzun kənara alınması ilə yaşanan çətinliklər xatırladılıb. Osimhen milli forma ilə 43 oyunda 26 dəfə rəqib qapılarını silkələyib.

Leave a Reply