Türkiyə U-18 millisi İspaniyaya məğlub oldu
U-18 Milli Futbol Komandası Kocaeli şəhərində təşkil edilən Beynəlxalq Dörtlü Turnirin ikinci oyununda İspaniya komandasına 3-1 hesabı ilə uduzub.
Türkiyə Futbol Federasiyasının yaydığı məlumata görə, Derince Bələdiyyə Stadionunda baş tutan qarşılaşmada ay-ulduzluların yeganə qolunu 31-ci dəqiqədə Həsən Ege Akdoğan vurub. İspaniyanın qollarını isə 3-cü dəqiqədə penaltidən Aleksis Kiria, 51 və 65-ci dəqiqələrdə Antonio Fernandez reallaşdırıb.
Samet Aybaba oyunu izlədi
Milli komandaların gənc heyətlər üzrə texniki koordinatoru Samet Aybaba da oyunu tribunadan izləyib.
Portuqaliya ilə qarşılaşma
Türkiyə U-18 Milli Futbol Komandası turnirdəki son matçını oktyabrın 14-də Gölcük Şəhər Stadionunda Portuqaliya ilə keçirəcək.