1996-cı il “Türkiyənin Ən Yaxşı Modeli” yarışmasının qalibi Güzide Duran, 3 aprel 2008-ci ildə Çırağan Sarayında iş adamı Adnan Aksoy ilə ailə həyatı qurdu. Cütlüyün iki övladı dünyaya gəldi. Lakin evliliklərində böhran yarandı. Onlar boşanma prosesinə başlamaq qərarına gəldilər. İddialara görə, bu qərarın arxasında xəyanət var idi.
Hadisələr davam edərkən, Duran və “Beşiktaş” Klubunun keçmiş prezidenti Fikrət Orman bu yaxınlarda Arnavutköydə bir məkandan əl-ələ çıxarkən obyektivlərə tuş gəldilər. Bu münasibətin üzə çıxması Duranın hələ də boşanma ərəfəsində olan həyat yoldaşı Adnan Aksoyın kəskin reaksiyasına səbəb oldu.
Zina iddiası ilə məhkəməyə müraciət edən Aksoy, sosial media üzərindən də sərt bir açıqlama verdi: “Bu ibrətamiz görüntüləri heç bir əxlaq və vicdan sahibi şəxs əsla təsdiq və qəbul etməz, edə bilməz! Çünki boşanma davası davam etməkdədir və təəssüf ki, bu şəxsiyyət soyadımı daşıyır. Evlilik birliyinə hörməti bir yana, bu həyat tərzi və etinasızlıq, geridə qoyduğu uşaqları belə, ən yüngül ifadə ilə xəyanətdir.”
“İnsan valideynini dəyişə bilməz”
Duran isə övladlarının fotosunu paylaşdı. Övladları Selin və Emirə duyduğu həsrəti dilə gətirən Duran dedi: “Hansı uşaq anası və ya atası haqqında pis bir şey eşitmək istəyər? İnsan anasını və ya atasını dəyişə bilməz. Həyat belədir, tərəflər anlaşmaya bilər və ya boşana bilər, lakin uşağın anasını və ya atasını dəyişmək imkanı yoxdur. Valideynlər uşağı bir-birinə qarşı tərəfə çevirməyin heç bir faydasını görməz, əksinə, uşağın çıxılmaz problemlər yaşamasının yolunu açır. Boşanma prosesi zamanı yeganə məsum tərəfin uşaq olduğu unudulmamalı və uşağın intiqam vasitəsi kimi istifadə edilməməsi gərəkir. Tərəflərdən birinin mübahisəli vəziyyəti tolerantlıqla qarşılaması ilə uşaq zamanla dürüst tərəfin kim olduğunu və həqiqəti anlayacaqdır.”
Bütün bu hadisələrdən sonra Duran sevgilisi Fikrət Ormanın yaxtası ilə Yunanıstanın Paros adasına getdi. Keçmiş maniken sevgilisi ilə verdiyi pozları da sosial media hesabında paylaşdı.
