Dünya Kubokuna vəsiqə qazanan Yaşıl Burun Adaları
Tarixi qələbə: Yaşıl Burun Adaları Dünya Kubokunda!
Afrika Dünya Kuboku seçmə mərhələsinin D qrupunda Yaşıl Burun Adaları milli komandası evdə Esvatini yığmasını qəbul edib.
Dailon Livramento, Villi Semedo və Tavares Stopiranın qolları ilə 3-0 hesablı qələbə qazanan Yaşıl Burun Adaları 22 xalla qrupu lider olaraq tamamlayıb və 2026 FİFA Dünya Kubokuna vəsiqəni təmin edib.
Kip Verde Futbolunun yüksəlişi
Cəmi 600 min əhalisi olan bu kiçik Afrika ölkəsi, 2018-ci ildə Dünya Kubokunda iştirak edən İslandiyadan sonra turnirə qatılan ən kiçik ikinci ölkə olaraq tarixə düşdü.
Bu qələbə Yaşıl Burun Adaları futbolu üçün böyük bir uğurdur və ölkənin idman tarixində yeni bir səhifə açır.
Dünya Kubokunda iştirak edəcək digər ölkələr
Artıq 2026 Dünya Kubokunda iştirakı dəqiqləşən ölkələrin sayı 22-yə çatıb. Yaşıl Burun Adaları ilə yanaşı, Avstraliya, İran, Yaponiya, İordaniya, Cənubi Koreya, Özbəkistan, Yeni Zelandiya, Misir, Mərakeş, Tunis, Argentina, Braziliya, Kolumbiya, Ekvador, Paraqvay, Uruqvay, Əlcəzair və Qana da Dünya Kubokunda iştirakını təmin edib.
ABŞ, Kanada və Meksikanın birgə ev sahibliyi edəcəyi 2026 FİFA Dünya Kuboku tarixində ilk dəfə 48 komandanın iştirakı ilə 11 iyun – 19 iyul 2026-cı il tarixlərində baş tutacaq.
Ev sahibi ölkələr – ABŞ, Kanada və Meksika Dünya Kubokuna birbaşa vəsiqə qazanıblar.
