Tag: #Avropa Liqası

  • Ole Gunnar Solskjaer istefa sualına qəti cavab verdi

    Ole Gunnar Solskjaer istefa sualına qəti cavab verdi

    Beşiktaş Baş Məşqçisi Elənmənin Səbəblərini Açıqladı

    Beşiktaşın baş məşqçisi Ole Gunnar Solskjaer, Avropa Liqasının 2-ci təsnifat mərhələsinin cavab oyununda Şaxtyor Donetskə 2-0 hesabı ilə məğlub olaraq turnirdən kənarlaşdıqları matçdan sonra açıqlamalar verib.

    “Şaxtyor Vəsiqəni Haqq Etdi”

    Matçı dəyərləndirən norveçli baş məşqçi, “Hər iki oyunda da rəqib bizdən daha yaxşı idi. Bizdən daha güclü bir komandaya qarşı oynadıq. Şanslar əldə etdik, lakin onlar bizdən daha çox şans yaratdılar. Rəqibimiz növbəti mərhələyə yüksəlməyi haqq etdi. İkinci hissədə bir neçə fürsət tapdıq, amma alınmadı. Düşünürəm ki, Şaxtyor Avropa Liqasında daha yüksək yerlərə gələcək” deyib.

    “Ehtiyacımız Olan Şey Sabitlikdir”

    “Gələcəyinizlə bağlı nə düşünürsünüz?” sualına Solskjaer, “Biz səyahətə başladıq. Hələ ki, bu mövsümə yeni başlayırıq. Başqa bir turnirdə yolumuza davam edəcəyik. Gələcəklə bağlı bu layihədə doğru insan olduğumu düşünürəm. Davam etməkdə bir problem yoxdur. Son 4-5 ildə Beşiktaş çətin dövrlər keçirdi. Ehtiyacımız olan şey sabitlikdir” cavabını verib.

    “Vəzifəmi İcra Edirəm”

    Oyunun ardından təşkil edilən mətbuat konfransında danışan norveçli baş məşqçi, istefa verməyi düşünmədiyini bildirərək, “Vəzifəmi icra edirəm. Yüzdə yüz hazır olmaları üçün komandaya bir az vaxt lazımdır. 4,5 həftə əvvəl başladığımızdan bəri yeni bir komanda qururuq. Abraham və Orkun komandaya qatıldı. Keçən il 4-cü yeri tutduq. Bu il daha yaxşı nəticələr və kuboklar üçün mübarizə aparacaq bir komanda yaratmağa çalışırıq. UEFA Avropa Liqasından kənarlaşdıq. Qarşımızda UEFA Konfrans Liqası var. Başqa bir kubok qazanma ehtimalı olan bir başqa çempionat var. Bizim məqsədimiz kuboklar qazanmaq üçün mübarizə aparan bir komanda yaratmaqdır” deyə qeyd edib.

    “Həqiqəti Qəbul Etməliyik”

    Oyunu dəyərləndirən Solskjaer, “Çətin bir matç oldu. Erkən qol işimizi çətinləşdirdi. Planımız ilk qolu vurmaq və sonra fiziki gücümüzlə oyunu qorumaq idi. Rəqibimiz ilk qolu vurdu. İlk oyundakı kimi çətin bir mübarizə oldu. Oyunçularım meydanda döyüşdülər, amma alınmadı, indi həqiqəti qəbul etməliyik. Şaxtyor bizdən daha yaxşı idi. Bu gün ilk qolu vurmaq çox vacib idi. İlk qolu vurub növbəti mərhələyə keçəcəyimizə inana bilərdik. Təəssüf ki, ilk qolu rəqibimiz vurdu. Dırmanmalı olduğumuz dağ bir az daha dikləşdi. Rəqib bizdən daha yaxşı idi və anları daha yaxşı dəyərləndirdi. Azarkeşlər tərifə layiqdirlər. Bizim azarkeşlərimiz də bizə burada çox yaxşı dəstək verdi” ifadələrini işlədib.

    24 saat

  • Beşiktaşda sistem oturdu ən böyük çatışmazlıq

    Beşiktaşda sistem oturdu ən böyük çatışmazlıq

    “Beşiktaş” 14 günlük Avstriya məşq düşərgəsini tamamlayaraq İstanbula qayıdır.

    UEFA Avropa Liqası 2-ci Təsnifat Mərhələsində iyulun 24-də “Şaxtyor Donetsk”lə qarşılaşacaq Beşiktaşlılar Avstriyada həm mövsümün, həm də bu vacib oyunun hazırlıqlarını görüb. Toplanış müddətində əsasən səhərlər meydanda, axşamlar isə məşq zalında məşq keçirən baş məşqçi Ole Qunnar Solskjaer dörd yoxlama matçında demək olar ki, bütün futbolçulara şans verərək hər kəsin vəziyyətini yaxından görmək imkanı əldə edib.

    Yeni mərkəz hücumçusu Temmi Abraama uyğun oyun sistemi quracağını açıq şəkildə bildirən Solskjaer məşqlərdə və oyunlarda 4-2-3-1 sxemi üzərində dayanarkən, bəzən hücumçusuz 4-6-0 sistemini də tətbiq etməkdən çəkinməyib.

    Kənar hücumçu və 6 nömrə çatışmazlığı

    Heyətinə mərkəz hücumçusu Temmi Abrahamı, yarımmüdafiəyə Orkun Kökçünü, sol cinah müdafiəsinə isə Yuraseki qatan Beşiktaşın ötən mövsüm ən çox ehtiyac duyduğu kənar hücumçu və 6 nömrə mövqeyinə hələ də transfer edilməyib.

    Oynanan yoxlama matçlarında Raşitsa, Joao Mario, Rafa, Mui, Arroyo kimi adlar daim sınaqdan keçirilsə də, həm hücumda, həm də müdafiəyə yardımdakı kifayət səviyyədə kənar hücumçunun olmaması oyunlarda çox açıq şəkildə nəzərə çarpıb. Eyni şəkildə rəqibə verilən qol imkanlarının orta zonadan və cinah arxasına ötürmələrdən yaranması da komandada 6 nömrə çatışmazlığını bütün çılpaqlığı ilə gözlər önünə sərib.

    Mövcud 6 nömrələrdən Əl Musratinin məşqlərdə və oyunlarda diqqətsiz davranması onun hər an komandadan ayrılacağının ən böyük işarəsidir. Əmir və Kartal yaxşı niyyətli olsalar da, çempionluq yarışında yüksək töhfə verəcək səviyyədə deyillər. Bütün bunların işığında ən azı iki kənar hücumçu və bir 6 nömrə transferi qaçılmazdır. Cedson Fernandesin futbol hüquqlarının Benfikadan alınması və ardınca dərhal satılması halında isə yenə bir 8 nömrə transferi zəruri hala gələcək.

    Gedəcək futbolçuların sayı çoxdur

    Son oynanılan “Petrjalka” matçı da göstərdi ki, Beşiktaşda yolların ayrılacağı futbolçuların sayı xeyli çoxdur.

    Slovakiya ikinci liqa komandasına qarşı ilk hissədə effektsiz çıxış edən heyətdən Emrecən Uzunhan, Tayyib Talha, Elan Rikardo, Emrecən Tərzi və həm Van Bronkhorstun, həm də Solskjaerin yarımmüdafiədə yerləşdirə bilmədiyi Salih Uçan göndərilməyə namizəd adlardır. Bunlarla yanaşı, Onana, Əmir Hacıəhmədoviç, Əl Musrati, Baxtiyar Zaynutdinov da gedəcək adlar arasında sıralanır. Gənc hücumçular Semih və Mustafadan birinin mütləq icarəyə verilməsi də söhbət mövzusudur. Lakin Mustafanın zədəsinin vəziyyəti ad məsələsində həlledici olacaq.

    24 saat