Hande Erçel və Hakan Sabancının Münasibətinə Ana Faktoru Son Qoydu: Evlilik Böhranı mı, yoxsa Xəyanət?
Üç ildir eşq yaşayan məşhur oyunçu Hande Erçel ilə cəmiyyətin tanınmış subaylarından Hakan Sabancının münasibətləri başa çatıb. Erçel, “Instagram” səhifəsindən Sabancının fotoşəkillərini sildikdən sonra ayrılıq xəbərləri təsdiqini tapıb.
İddialara görə, münasibətlərin bitməsinə səbəb “evlilik böhranı” olub. Hande Erçel artıq əlaqələrini nikah masasına daşımaq istəyir, Hakan Sabancı da bu fikrə müsbət yanaşırdı. Lakin gənc iş adamının anası Arzu Sabancının evliliyə razılıq verməməsi münasibətlərin sonunu gətirib.
Arzu Sabancının Sirli Paylaşımı və Hakanın Səssizliyi
Ayrılıqdan sonra Arzu Sabancı sosial media hesabında maraqlı bir paylaşım edib: “Cəhalət də yuxu kimidir. Səni oyadan şəxsə ilk reaksiyan qəzəb olur.” Bu paylaşımın, münasibətlərinin bitməsinə səbəb olduğu üçün anasına qəzəblənən oğlu Hakan Sabancıya ünvanlandığı deyilir.
Ötən gün “Gel Konuşalım” proqramına danışan Hakan Sabancı, “Ayrılıq haqqında danışmaq istəmirəm. Bu, bizim şəxsi məsələmizdir, lakin xəyanətlə bağlı bir vəziyyət söz mövzusu deyil,” deyə qısa açıqlama verib.
Xəyanət İddiaları Gündəmi Silkələdi
Hakan Sabancının “xəyanət yoxdur” açıqlamasına baxmayaraq, sosial mediada yeni iddialar yayılıb. Bir istifadəçi Hakan Sabancının keçmiş sevgililərindən Çinli model Jocelyn Chew ilə yenidən yaxınlaşdığını iddia edərək, Hande Erçelə “Sənin üçün çox üzülürəm” mesajı göndərib.
İddiaya görə, Hakan Sabancı Hande Erçelə Jocelyn ilə xəyanət edib və hazırda Bodrumda Jocelyn ilə tətildədir. Üstəlik, xəyanətin Hande və Hakanın Bocelli konsertini izlədiyi günə təsadüf etdiyi vurğulanıb. Sözügedən istifadəçi Hande Erçelin aylardır xəyanətə uğradığını, lakin bundan xəbərsiz olduğunu iddia edərək, “Evlilik təklifinin gəlməməsini bəhanə kimi göstərməyiniz tamamilə cəfəngiyatdır,” cümləsi ilə sözlərini tamamlayıb.
24 saat
