Beşiktaşın yeni transferi Wilfred Ndidi komandaya qoşulmaqdan məmnunluğunu ifadə edib. Nigeriyalı futbolçu, yeni komandası ilə bağlı fikirlərini bölüşərək, gələcək hədəflərindən danışıb.
Ndidi “Beşiktaş”a transferindən duyduğu sevinci dilə gətirib
“Beşiktaş”ın heyətinə qatılan Wilfred Ndidi, komandaya transferindən sonra öz sevincini ifadə edib. Klubun sosial media hesabında yayımlanan açıqlamasında, bu transferin onun üçün nə qədər əhəmiyyətli olduğunu vurğulayıb.
Ndidi, müxtəlif klublardan təkliflər aldığını, lakin “Beşiktaş”ın təklifi gəldikdən sonra bu komandanın Türkiyənin ən böyük klublarından biri olduğunu düşündüyünü qeyd edib. O, fərqli bir liqada oynamaq istədiyini və bu səbəbdən “Beşiktaş”a keçməyə çox can atdığını bildirib. “Burada olmaq istədim, çünki yeni bir mühit, yeni insanlar və yeni bir liqa görmək arzusundaydım. “Beşiktaş”dan təklif gələndə, həqiqətən də çox təsirləndim və bura gəlməyə çox həvəsli idim”, – deyə Ndidi bildirib.
İstanbulda qarşılanma və ilk təəssüratlar
Wilfred Ndidi İstanbulda hava limanına endikdən sonra klubun ikinci başqanı Hakan Daltabanın onu qarşıladığını və bu qarşılamanın onu çox təəccübləndirdiyini vurğulayıb. “Bu qarşılamanı gözləmirdim, məni çox təəccübləndirdi. Formanı görəndə çox səmimi bir qarşılanma hiss etdim. Dərhal formanın üzərindəki emblemi öpdüm, bu da çox gözəl bir an idi. İnternetdə şəhərə, kluba, tarixinə və oyunçularına baxdım. Abrahamı onsuz da İngiltərədən tanıyıram. Oyunçulara və məşqçilərə də nəzər saldım”, – deyə o əlavə edib.
“Mən komanda oyunçusuyam”
Wilfred Ndidi özünün çox çalışqan bir futbolçu olduğunu və şəxsi məqsədlər üçün oynamadığını vurğulayıb. O, hər zaman komandanın qələbəsinə fokuslandığını və bunun bütün oyunçular üçün ən yaxşı hal olduğunu bildirib. “Komanda qələbə qazananda, bu, bütün oyunçular üçün ən yaxşı haldır. Yəni mən tamamilə bir komanda oyunçusuyam deyə bilərəm”, – deyə Ndidi qeyd edib.
28 yaşlı futbolçu, “Beşiktaş”dakı hədəflərini və azarkeşlərə mesajını da çatdırıb: “Ən böyük hədəfim, mümkün qədər çox oyun qazanmaqdır. Bu qələbələr bizə kubok gətirəcək və bizi ən yüksək səviyyəyə daşıyacaq. Buna görə də buranın mənim üçün komandaya daxil olmaq və birlikdə daha çox oyun qazanmaq üçün əla bir fürsət olduğunu düşünürəm. Azarkeşlərə sadəcə onu demək istəyirəm ki, oyundan həzz alın, mövsümün keyfini çıxarın. Düşünürəm ki, həqiqətən də harika bir mövsüm olacaq. Burada olmaqdan çox xoşbəxtəm, çox həyəcanlıyam. Hamımız üçün gözəl bir mövsüm olsun.”
24 saat
