“Beşiktaş”ın yeni transferi Taylan Bulutdan iddialı açıqlamalar
“Beşiktaş”ın yeni transferi Taylan Bulut, klubun rəsmi internet saytına verdiyi açıqlamada “Beşiktaş”a transferindən duyduğu böyük məmnuniyyəti dilə gətirib. Gənc futbolçu, “Bu böyük klubda olmaq mənim üçün şərəfdir. “Beşiktaş” haqqında yalnız müsbət şeylər eşitdim və dərhal bura gəlmək istədim. Transfer danışıqları uğurla keçdi, çünki baş məşqçi mənə inam göstərdi və özümü etibarlı hiss etdim. “Beşiktaş” forması da çox gözəldir, onu sevirəm və bəyənirəm” deyə bildirib.
Taylan Bulut: “Hər zaman yüz faizimi verəcəyəm”
Klubuna transferindən əvvəl digər futbolçularla danışdığını qeyd edən 19 yaşlı oyunçu, “Kenan Karaman və Loris Karius ilə söhbət etdim. Onların hər ikisi burada oynayıb və yalnız xoş xatirələrini bölüşdülər. Mən hər zaman yüz faizimi verəcəyəm. Mümkün qədər çox forma geyinmək və çempion olmaq arzusundayam. “Beşiktaş” azarkeşləri üçün hər şeyimi qurban verəcəyəm. Mövsümün necə keçəcəyini birlikdə görəcəyik” sözlərini əlavə edib.
