Solskjaer: “Qarşıdakı matça hazırıq”
BJK Nevzat Demir Tesisleri‘nde mətbuat konfransı keçirən baş məşqçi Ole Gunnar Solskjaer qarşıdakı oyunla bağlı hazırlıqlarını və gözləntilərini bölüşüb. Norveçli mütəxəssis komandasının UEFA Konfrans Liqası‘ndakı şanslarını dəyərləndirib.
Oyuna hazırlıq və taktiki planlar
Solskjaer, ilk oyunda göstərdikləri performansı təhlil edərək, “İlk matçda 35 dəqiqə ərzində çox yaxşı oynadıq. Rəqibimiz öz meydanında Avropa kuboklarında qol buraxmamışdı. Amma biz lazımi səviyyədə oynadıq. İkinci hissədə rəqib sistemini dəyişdi və performansımız eyni səviyyədə olmadı. Düşünürəm ki, sabahkı oyuna ikinci hissədəki kimi başlayacaqlar. Buna görə də yaxşı hazırlaşmışıq və matça tam hazırıq” deyib.
Texniki heyət, qarşıdakı matçda fərqli oyunçularla meydana çıxmağı planlaşdırır. “Məqsədimiz daim inkişaf etməkdir. Bu matçdan sonra liqa oyunumuz var, lakin hazırda diqqətimiz bu matçı qazanmağa yönəlib”, – deyə Solskjaer vurğulayıb.
UEFA Konfrans Liqasında hədəflər
UEFA Konfrans Liqası‘nda çempionluq şansı ilə bağlı suala cavab verən Solskjaer, “Hazırda bu turnirdə hər oyunu qazanmaq üçün mübarizə aparırıq. Kubok qazanmaq şansımız da var. Hər matça ciddi yanaşacağıq və sona qədər getməyi ümid edirəm” deyə bildirib.
Heyət seçimi və oyunçuların performansı
Oyunçuların formasına toxunan təcrübəli mütəxəssis, “Formanı layiq olanlara verirəm. Biz böyük bir klubuq və burada gözləntilər çox yüksəkdir. Oynamalı olan oyunçu, oynamalı olduğunu mənə sübut etməlidir. Hər matçda daha yaxşı olmaq istəyirəm. Ümid edirəm ki, hər kəs daha yaxşı olar və oyunçu seçimi mənim üçün çətinləşər. Hazırda oynamaq üçün mübarizə aparan 14-15 oyunçumuz var. İnkişaf etdirməli olduğumuz cəhətlər olduğunu bilirəm. Hər məşq, hər matç oyunçuların özlərini mənə sübut etmələri üçün bir şansdır” deyə qeyd edib.
Kenny Arroyo haqqında açıqlama
Kenny Arroyo’nun istedadlı oyunçu olduğunu bildirən Solskjaer, “Mən formanı heç kimə vermirəm, oyunçu oynamalı olduğuna məni inandırır. Bir məşqçi üçün ən kədərli vəziyyət isə bəzilərinin bunu göstərməməsidir. Kenny Arroyo keçən həftə oyuna sonradan daxil oldu və yaxşı da oynadı. Sabah oynayacağını deyə bilərəm. Ümid edirəm ki, onun üçün yaxşı bir başlanğıc olar. O, klubun gələcəyi üçün vacib bir oyunçudur. Bir oyunçunun Cənubi Amerikadan gəlməsi və adaptasiya prosesi keçirməsi asan bir iş deyil. Düşünürəm ki, adaptasiyanı geridə qoyub. Qarşıdakı dövr üçün yaxşı əlamətlər verir” ifadələrini işlədib.
24 saat
