Müğənni Asya çox sevdiyi yaxın dostunun qəfil vəfatı xəbəri ilə dərindən sarsılıb. Rəfiqəsinə son borcunu yerinə yetirmək üçün məsciddə təşkil olunan cənazə mərasiminə qatılan Asya, tədbirdəki bəzi şəxslərin geyim tərzinin həmin mühitə uyğun olmadığını bildirərək tənqid edib.
“Həm kədərləndim, həm də çox qəzəbləndim”
Asya sosial media hesabında etdiyi paylaşımda hisslərini bu sözlərlə ifadə edib:
“Mələk qəlbli əziz dostumu itirdim. Allah rəhmət eləsin, nur içində yatsın. Geridə qoyduğu bütün sevdiklərinə başsağlığı verirəm.”
“Bu qədər kədərli anımda, məsciddəki bəzi insanların mühitə yaraşmayan geyimlərinə görə həm üzüldüm, həm də çox hirsləndim.”
“Mini ətəklər, şortlar… Təəssüf ki, cəmiyyət olaraq ictimai normalar və dəyərlərimizi xeyli itirmişik. Bu paylaşımı qısa müddətdən sonra siləcəyəm, lakin ümid edirəm ki, sözlərim cəmiyyətdə müəyyən bir fayda verər.”
