İtaliyanın paytaxtı Romada başlayan “Ukraynanın Yenidən İnşası Konfransı”nın açılışında kameralara yansıyan qeyri-adi bir salamlaşma diqqət mərkəzinə çevrilib. Albaniya Baş naziri Edi Rama, İtaliya Baş naziri Giorgia Melonini qarşılamaq üçün hamının gözü qarşısında diz çökərək salam verib.
Təbəssümlə Qarşılıq Verdi
Romadakı La Nuvola konfrans mərkəzində baş verən bu an mətbuat nümayəndələrinin obyektivlərinə saniyə-saniyə əks olunub. Baş nazir Rama diz çökdüyünü görən Baş nazir Meloni təbəssümlə cavab verib; cütlük daha sonra qısa söhbət edib.
İlk Diz Çöküşü Deyildi
Bu, Edi Ramanın Meloniyə qarşı ilk “diz çöküşü” deyildi. Albaniyanın paytaxtı Tiranada keçirilən Avropa Siyasi Birliyinin (AST) 6-cı Zirvə görüşündə də Albaniya Baş naziri italyan həmkarını eyni şəkildə, diz çökərək qarşılamışdı. Həmin Zirvə görüşündə Ramanın idman ayaqqabıları ilə protokola qatılması da uzun müddət müzakirə mövzusu olmuşdu.
Gündəmə Gəldi
Ramanın bu qeyri-adi salamlaşma tərzi sosial şəbəkələrdə bir daha gündəmə gələrkən, bəziləri bu hərəkəti “səmimi nəzakət”, digərləri isə “həddindən artıq teatrallıq” kimi qiymətləndirib.