Mübahisə necə başladı?
Ötən həftələrdə aktrisa Berna Laçinin Hilal Altınbilek haqqında səsləndirdiyi şərh ictimaiyyətdə geniş müzakirələrə səbəb olmuşdu. Laçin, “Ən bariz estetik müdaxiləsi olan birinə məhəllənin kasıb qızı rolunu vermək kimin ideyası idi görəsən?” sualını verdikdən sonra Dilan Çiçək Dəniz də bu mövzu ilə bağlı fikirlərini bildirmişdi.
“Həkimlik, müəllimlik kimi müqəddəs peşələrimiz var”
Bir tədbirdə çıxış edən Dəniz, “Hər kəsin hər mövzuda çoxlu fikirləri var. Bəzi şeylərin deyilməməsi lazım olduğunu düşünürəm. Oyunculuq o qədər də müqəddəs bir peşə deyil. Həkimlik, müəllimlik kimi müqəddəs peşələrimiz var,” deyərək Laçinin şərhlərinə incə bir işarə etmişdi.
Ekin Türkməndən sərt reaksiya
Lakin bu açıqlama bəzi həmkarlarının sərt reaksiyasına səbəb oldu. Aktyor Ekin Türkmən sosial media hesabında etdiyi paylaşımda, “Oyunculuq peşəsi çox müqəddəs bir peşədir. Ayıb! Sizlərdən və tutduğunuz yerlərdən yoruldum! Hörmətsiz, iyerarxiya bilməyən cahillər!” deyərək Dənizi tənqid etmişdi.
“Bəzi müqəddəs aktyorlar…”
Gələn reaksiyalardan sonra səssizliyini pozan Dilan Çiçək Dəniz mövzunun təhrif edildiyini bildirdi. “Yanlış anlayanlar var,” deyən aktrisa açıqlamasında bu ifadələri işlətdi:
“Mən işimə çox hörmət edirəm. Çox önəm verirəm və çox şanslıyam ki, çox sevdiyim bir işlə məşğul oluram. Lakin ‘Aktyorlar müqəddəsdir’ deyildiyi zaman aktyorların etdiyi bəzi hərəkətləri legallaşdırmış ola bilərik. Mənim gənc bir həmkarım və ya setdə çalışan bir dostum, bəzi ‘müqəddəs aktyorlar’ tərəfindən hər hansı bir davranışa məruz qaldıqdan sonra, onu sorğulaya bilməyəcəyi bir vəziyyətə düşmələrini istəmirəm.”
Dəniz, onu dəstəkləyən bir çox insanın olduğunu da qeyd edərək, “Gözəl reaksiyalar da aldım, minnətdaram. Bu açıqlamanı da yanlış anlayanları məlumatlandırmaq üçün edirəm,” dedi.
