Ernest Muçi Trabzonspor heyətinə qatıldı
Beşiktaşdan Trabzonspor‘a transfer olunan Ernest Muçi, Trabzon şəhərinə gəlib çatıb.
Hava limanında mətbuat nümayəndələrinə açıqlama verən alban futbolçu, qısa müddətdə komandaya uyğunlaşacağına inandığını bildirib.
“Həyəcanlıyam”
Trabzonspor‘a qoşulacağı üçün həyəcanlı olduğunu dilə gətirən Muçi bunları deyib: “Bütün oyunçular haqqında məlumatım var. Mən də komandaya daxil olduqdan sonra elə biləcəklər ki, sanki kənardan gələn biri deyiləm, həmişə buradaymışam. Komandama yardım etmək üçün çox həyəcanlıyam. Bu il icarə əsasında bura gəlmişəm, ancaq əlimdən gələnin ən yaxşısını edib, komandanın məni alması və nə qədər faydalı olduğumu göstərmək üçün çalışacam.”
24 yaşlı ulduz sözlərini bu cümlələrlə tamamlayıb: “Fərqli mövqelərdə oynamağa hazır olan bir oyunçuyam. Baş məşqçimizlə də görüşdüm, çox yaxşı məşqçi olduğunu düşünürəm. Mən də mövsümə başlamaq üçün səbirsizlənirəm.”
