Fənərbağça Yüksək Divan Şurasının toplantısında gərgin anlar yaşandı.
Fənərbağçada dəstək çağırışı
Fənərbağça Kulübü Yüksək Divan Kurulunun növbəti toplantısı Faruk Ilgaz Tesislerinde baş tutub. Toplantıda Fənərbağça İdman Klubunun sədri Sadettin Saran, Yüksək Divan Kurulu Başkanı Şekip Mosturoğlu və Divan Kurulu üzvləri iştirak ediblər.
Sabiq prezidentlər Əli Koç və Əziz Yıldırım da toplantıya qatılıblar. Hər iki şəxs üzvlərə müraciət edib.
Əvvəlcə kürsüyə çıxan Əli Koç, Sadettin Sarana dəstək verməyin vacibliyini vurğulayıb. Onun çıxışından əsas məqamlar:
“Sədr dəyişikliyi oldu, bir azarkeş kimi ilk dəfə qarşınızdayam. Seçim nəticələri xeyirli olsun. Demokratiya bayramı yaşadıq. Nəticələr yaxın olsa belə, digər cəmiyyətlərə nümunə olacaq seçki keçirdik. Əməyi olan hər kəsə təşəkkür edirəm.”
“Təhvil-təslimi layiqincə həyata keçirdik. Sadettin Saran və komandası da eyni şəkildə təhvil aldı. Sədr və idarə heyəti ilə açıq və şəffaf şəkildə görüşdük, məlumat paylaşdıq. Bu çox önəmlidir.”
Qəbul edilməyən maddələr
“Seçim günü idarə heyətinə icazə verilməsi lazım olan maddələrin nə qədər əhəmiyyətli olduğunu israrla vurğuladıq. Klubun fəaliyyətinin dayanacağını dedik. Həmin günün ab-havası ilə bunlar qəbul edilmədi. Təsdiqlənməzsə nələrin baş verəcəyini Murat bəy izah etdi. Hesab bizim qazanmağımız üzərində qurulmuşdu və qazanmamız halında bizi məhdudlaşdırmaq idi. Bunun nə qədər zərərli olduğunu gördük. Yeddi dəfə təsdiqləndi, səkkizincidə rədd edildi. Proses lazımsız yerə uzandı. Bunun üçün lobbiçilik etmək, insanların beynini qarışdırmaq Fənərbağçaya pislik etməkdir.”
Əziz Yıldırıma sərt sözlər
“Biz maneə yox, dəstək olacağıq. Sonda idarəçilər deyil, Fənərbağça qazanır. Yaşamadığımız, görmədiyimiz dəstəyi Sadettin Saran və komandasına verəcəyik. Allah yollarını açıq etsin, şansları bol olsun. Müvəffəq olmaları üçün ətrafında sıx birləşməliyik. Bu dağıdıcı siyasəti buraxaq! Fənərbağçanın mindiyi budağı kəsməyək!”
“Biz çempion edə bilmədik deyə bizdən sonra gələnlər çempion edə bilməsin mövqeyində olmayacağımızın təminatını verirəm.”
Yıldırımdan cavab: “Daxilində qalan Əziz Yıldırımı büruzə verirsən”
Əli Koçun çıxışından sonra sabiq sədr Əziz Yıldırım da səhnəyə çıxıb. Yıldırım, Əli Koça cavab verərkən bunları deyib: “Əli bəy danışdı, çox gözəl danışdın Əli! Həmişə içində qalan Əziz Yıldırımı büruzə verirsən, etmə! ‘Fənərbağça pis olsun’ demişəmsə şərəfsizəm! Bunu bizə ima edənlər də şərəfsizdir! Həyatımızı Fənərbağçaya verdik, pəncərə yox idi həbsdə! Heç şikayətçi olmadım! Fənərbağçanın çempion olmasını istəyirəm. Uşaqlar ağlamasın deyə namizəd oldum. Uşaqlar ağlayır, mənim qızım ağlayır! Ayıbdır! Bizim dediklərimizi yanlış anlamayın!”
“Klubun mallarını niyə satırsınız?”
“Bu maddələri rədd edəcəyimi dedim, heç kimə çağırış etmədim. Murat bəy burada nağıl danışdı! Klubun mallarını niyə satırsınız? Hamısını biz aldıq. Bəzilərini klubun pulu ilə, bəzilərini cibimizdəki pul ilə aldıq!”
“FETÖ-çülər var, demirsiniz”
“Sadettin Saran bəy və komandasından bizim nə qədər borc qoyduğumuzu müəyyən edib açıqlamalarını istəyirəm. Bura 100 illik klubdur, nələr gəlib başına… Tarixi oxuyun! Bu klub hər zaman dik dayanıb, ən son da 3 İyulda! Yalnız Fənərbağçaya deyil, Türkiyəyə edilən əməliyyatın davamıdır! 3 İyulu anlayın… Arxasından 4-5 il sonra dövləti ortadan qaldırma əməliyyatının içində olduğu prosesdir. İşimizə gələndə 3 İyul deyə danışmayaq… İşləri başqa nöqtələrə çəkməyək. Tahir Kıran ilə yemək yemişəm, 3 İyula xəyanət etmişəm! Yox ya! İdarələrdə FETÖ-çülər var, demirsiniz?”
