Farer adalarından sensasiyalı qələbə: Çexiya futbolunda utanc gecəsi
2026 Dünya Çempionatının Avropa seçmə mərhələsinin L qrupunun 8-ci turunda Farer adaları öz meydanında Çexiya yığmasını 2-1 hesabı ilə məğlub edib. Bu qələbə Farer adaları üçün ardıcıl ikinci tarixi qələbə kimi yadda qalıb. Çexiya mətbuatı bu gözlənilməz məğlubiyyəti “Utanc gecəsi” adlandırıb.
Beşiktaşlı oyunçu ilə müxbir arasında gərgin mübahisə
Çexiya yığmasının heyətində Beşiktaşın futbolçusu Vaclav Çerni 87 dəqiqə meydanda olub. 27 yaşlı futbolçu oyunun sonunda Çexiya televiziyasına müsahibəsində müxbir Yan Lutonski ilə gərgin bir dialoq yaşayıb.
“Qol üçün məni günahlandır”
Müxbir Yan Lutonskinin “İlk qolda, sizcə, nə səhv getdi?” sualına cavab olaraq Çerni, qolu vuran oyunçu Sorenseni nəzərdə tutaraq “Onunla aramdaki məsafəni mi soruşursunuz?” deyib.
Bunun üzərinə Lutonski “Rəqibi təqib etməniz lazım deyildimi?” sualını verib. Çexiya millisinin cinah oyunçusu isə təəccüblənmiş halda “Düşünürəm ki, hamı kimi mən də geri qaçdım” deyərək etirazını bildirib. Daha sonra canlı yayımı tərk edən Çerni gedərkən “Gəl, bu qol üçün məni günahlandır” deyə əlavə edib. Futbolçunun bu reaksiyası Çexiya futbolu ictimaiyyətində geniş müzakirələrə səbəb olub.
