Galatasaraylı Mario Lemina’dan Gözlənilməz Etiraflar
Lemina’nın Qayıdış Hekayəsi
Qalatasarayın uğurlu oyunçusu Mario Lemina, Sofoot’a verdiyi müsahibədə maraqlı açıqlamalar edib. Sarı-qırmızılılara qayıdışının səbəblərini izah edən Gabonlu oyunçu, bu transferin maddi məsələlərlə əlaqəli olmadığını vurğulayıb: “Bu, qətiyyən pul məsələsi deyildi. Daha çox burada yaşadığım hissləri yenidən yaşamaq istədim. Qalatasarayla mənim aramda yarım qalan bir hekayə var idi. Bir neçə il əvvəl kimsə mənə Qalatasaraya transfer olmaqdan danışsaydı, Avropada oynayan bir çox inadkar futbolçu kimi “yox” deyərdim. Amma bu klub mənə hər şeyi verdi. Burada mənə məsuliyyət verildi. Qalatasaraya ilk gəldiyim vaxtdan indiki halım tamamilə fərqlidir. Burada ya hər şey, ya heç nə! Bu fəlsəfə mənim üçün çox cəlbedicidir, çünki mənim üçün də başqa yol yoxdur.”
Fatih Terim Barədə Açıqlama
Fatih Terimlə bağlı fikirlərini də bölüşən Lemina, “Ona “İmparator” deyirlər, bu, əslində hər şeyi ifadə edir. Mən onda mənə sonsuz güvən verən böyük bir insan gördüm. Bir gün məşqdə yanıma gəlib taktikayla bağlı nəyi dəyişdirmək istədiyimi soruşdu. Çox təəccübləndim, çünki həyatımda ilk dəfə idi ki, bir texniki direktor mənə belə bir məsuliyyət verirdi. Jean Michael Seri ilə birlikdə oynasaq, topu daha yaxşı dövr etdirə biləcəyimizi dedim. Sonra bütün komandanı toplayıb, “Toplar Leminanın ayağından çıxacaq” dedi. O andan etibarən artıq susa bilməzdim, lider olmalı idim” deyə bildirib.
Qayıdış Transferinə Reaksiya
Gabonlu yarımmüdafiəçiyə “Bu sevgini necə izah edirsiniz?” sualı ünvanlanıb. Lemina isə cavabında bunları deyib: “İlk növbədə azarkeşlər. Hava limanında mənə göstərilən qarşılama inanılmaz idi, xüsusilə də qayıdışımda. Onlar məni bu qədər zaman ərzində heç unutmadıqları üçün dərhal yenidən həyəcanlandım. Onlar üçün hər şeyi vermək istəyirsən. Sadəcə sosial mediada müqaviləni imzaladığım anda 200 min izləyici qazandım, bu, inanılmaz idi. Əgər türk deyilsinizsə, bütün bunları təsəvvür belə edə bilməzsiniz.”
“Barış Bizim Qardaşımızdır”
Nəhayət, Barış Alper Yılmaz haqqında da danışan Lemina bunları söyləyib: “Komandanın uyğunluğu təmin olunmalıdır, bu olacaq, çünki bura böyük bir ailədir. Kimsə sizə arxadan xəncər vurmaz! Bir neçə həftə əvvəl mətbuat biz oyunçuların, transfer günlərinin son zamanlarında Səudiyyə Ərəbistanından böyük bir təklif alan Barış Alper Yılmazı kənarlaşdırdığımızı iddia etdi. Bu, bəzi klublarda xaos yarada bilərdi, amma Qalatasarayda yox! Çünki hamımız qardaşıq, Barış bizim qardaşımızdır. Osimhen ilə birlikdə hücumda oynamalarına baxmayaraq dəli kimi müdafiə edirlər. Hamımız bir-birimizi yuxarı çəkirik, əsas oyunçu və ya ehtiyat oyunçu olmaqla bağlı eqo və ya narazılıq yoxdur.”
24 saat
