Oyunçu transferində Avropa siyahısı əngəli aradan qalxdı
“Qalatasaray”dan Kerem Aktürkoğlu addımına dair açıqlama
“Qalatasaray”ın baş katibi Eray Yazqan, “Fənərbağça”nın yeni transferi Kerem Aktürkoğlu üçün olan ilk seçim hüquqlarından istifadə etməyəcəklərini bildirib. “Benfika” klubu ilk seçim hüququ “Qalatasaray”da olan Kerem Aktürkoğlu ilə bağlı “sarı-qırmızılar”ı məlumatlandırmış və 5 iş günü ərzində cavab vermələrini istəmişdi.
“Qalatasaray”ın cavabı “Fənərbağça”nın Kerem Aktürkoğlunu Avropa siyahısına yazıb-yazmayacağı baxımından böyük əhəmiyyət daşıyırdı. “Sarı-qırmızılar” bu mövzuda açıqlama verərək, “Klubumuz, Kerem Aktürkoğlu transferində Avropa siyahısına əngəl olmaq kimi bir mövqe tutmayacaq” ifadələrini işlədib. Baş katib Eray Yazqanın bu mövzu ilə əlaqədar sözləri diqqət çəkib.
‘Prosesi təəccüblə izləyirik’
Eray Yazqan bildirib ki, “Benfika”, Kerem Aktürkoğlu üçün hüquqlarından istifadə edib-etməyəcəklərini soruşub: “5 iş günü müddəti, sentyabrın 5-də sona çatır. Avropa siyahısından sonra. “Fənərbağça” İdman Klubunun bu reallıqdan xəbərsiz şəkildə bu prosesi aparmasını təəccüblə izləyirik”.
‘Türk futbolunun hamisiyik’
Eray Yazqan sözlərinə davam edərək deyib: “Hansı komandanı dəstəkləsək də, Türkiyə hüdudlarından kənarda hamımızın ortaq kimliyi olan Türkiyə Respublikası vətəndaşlığı bu kimliyin önündədir. “Qalatasaray”, türk olmayan komandaları məğlub etmək məqsədi ilə qurulmuş bir komandadır. “Qalatasaray”, türk futbolunun hamisi, “Qalatasaray”ın prezidenti də türk futbolunun ağsaqqalı mövqeyindədir. Rəqibimiz bizə ağlasığmaz böhtanlarla hücum edir. “Qalatasaray”, onlara bir daha doğru yolu göstərir və əxlaq dərsi verir. Klubumuz, Kerem Aktürkoğlu transferində Avropa siyahısına əngəl olmaq kimi bir mövqe tutmayacaq. Bu fürsətdən istifadə edərək Konfrans Liqasında yoluna davam edən “Samsunspor”a da uğurlar arzulayıram”.
