Tag: Fenerbahçe

Fənərbaxçanın Portuqaliya hazırlıq düşərgəsindəki sınağı uğursuzluqla başa çatıb.

## Joze Mourinyonun düşərgə şərhləri

“Fənərbaxça” Portuqaliya təlim-məşq toplanışında keçirdiyi yoldaşlıq matçında “Benfika”ya 3:2 hesabı ilə məğlub olub.

Oyundan sonra “Fənərbaxça”nın baş məşqçisi Joze Mourinyo mətbuat nümayəndələri ilə fikirlərini bölüşüb.

Mourinyo bunları deyib:

“Ümumilikdə düşərgədən çox razı qaldığımı deyə bilərəm. Açığı, çox güclü bir ailə qurmağa çalışırıq. Yaxşı bir ailə yaratmağa çalışırıq. Təkcə texniki heyətdən danışmıram. Bunu bütün işçilər üçün deyə bilərəm. Oyunçular və komanda arasında güclü bir ünsiyyət var. Düşərgə ərzində hər kəs çox yaxşı çalışdı. Keçən mövsümlə müqayisədə çox daha yaxşı bir düşərgə dövrü keçirdiyimizi deyə bilərəm. Buna görə də çox xoşbəxtəm. Güclü məşqlər etdik, intensivliyi yüksək məşqlər etdik”.

“Bu mənada oyunlara tam hazırlaşa bilmədik. Mövsüm öncəsi düşərgələri daha çox yükləmə və sıx məşqlərlə keçir. Oyunlara təzə çıxa bilmədik. Səylə çalışdıq. Hər kəs çox yaxşı işlədi. Bütün oyunçularım çox yaxşı çalışdı”.

“Anderson Taliska və İsmayıl Yüksək zədəli oyunçulardan idi. Ümumilikdə hər kəsin yaxşı məşq etdiyini deyə bilərəm. Jon Duran aramıza gec qatıldı. Onun üçün uzun bir tətil dövrü oldu. Düşünürəm ki, buradakı düşərgə müddətində yaxşı bir inkişaf əldə etdik. Mənim üçün təşkilatlanma baxımından yaxşı bir düşərgə dövrü keçirdik. Son hazırlıq oyunumuzu da burada “Benfika”ya qarşı oynadıq. Onlar üçün çox mənalı bir gündür. Eusebio onlar üçün çox mənalı bir addır. Onlar üçün hazırlıq oyunundan daha ciddi bir matç idi”.

## Nələrin çatışmadığı aydın görünür

Daha çox ehtiyaclarının olduğunu deyən Mourinyo bunları bildirib:

“Əslində həm hazırıq, həm də deyilik. Nə üçün hazırıq? Çünki buradakı qrupla çox yaxşı və sıx çalışdıq. Nə üçün hazır deyilik? Daha çoxuna ehtiyacımız var. “Feyenoord” matçına 10 gün qalıb və bu yüksək səviyyəli oyunun necə məna ifadə etdiyini, necə bir görüntü ortaya çıxardığını əslində görə bilirik”.

“Benfika” “Feyenoord”dan daha yaxşı komandadır. Bugünkü atmosferə baxdığımızda daha gərgin idi. Məncə, komanda olaraq bir fikir verdiyimizi düşünürəm. Matçın müəyyən əsas məqamlarında yaxşı çıxış etdik. İlk hissəni məndən soruşsanız, məncə yaxşı oyun göstərə bilmədik. İkinci hissədə üstünlüyümüzü daha çox ortaya qoyduq. Üçüncü qola baxsaq, bunu çox açıq şəkildə demək istəyirəm ki, “Düşərgə ərzində heç bir şəkildə standart vəziyyət məşqi etmədik”, bunu son həftəyə saxladıq”.

“Məşqlərdə daha çox hücum və müdafiə üzərində işlədik. Standart vəziyyətlə bağlı məşqimiz olmayıb. Yediyimiz üçüncü qol buna görə məni narahat etmir. Bu mənada işlərimizi çox yaxşı görəcəyik. Komandanın vəziyyəti aydındır. Sədr də (Əli Koç) bu məqamda mənimlə eyni fikirdədir. Düşünürəm ki, məşqçi olaraq mənim istədiyim şeyləri sədr də görür. Bu gün oyuna baxdığımızda hər kəs nələrin çatışmadığını görə bilir”.

“Əlavə olunmalı və edilməli olan şeyləri hər kəsin aydın şəkildə görə bildiyini düşünürəm. Hazırda yaxşı bir komandamız var. Matçda çətinliklər də yaşadıq. 9 gün qaldı. Sabah Çempionlar Liqası matçımıza 8 gün qalmış olacaq. Sabah məşq etməyəcəyik, bazar ertəsi məşqimiz olacaq. Əslində 7 günlük bir vaxtımız var”.

## Son toxunuşları klub etməlidir

Nələrin çatışmadığı əslində ortada olduğunu düşünürəm. Buraya gətiriləcək oyunçular da fəlsəfəni biləcəklər. Əgər yüksək səviyyədə oynamaq istəyiriksə, daha çoxuna ehtiyacımız var. Oynayacağımız oyuna ciddi yanaşmalıyıq. Təəssüf ki, son toxunuşu mən edə bilmərəm, son toxunuşu klub etməlidir”.

## Skriniar və Asensio gözlənilir

Ötən mövsüm “Fənərbaxça”da icarə əsasında çıxış edən Milan Skriniar və transferində razılıq əldə olunduğu iddia edilən Marko Asensio hələ də elan edilməyib.

“Fənərbaxça”nın Çempionlar Liqasının 3-cü təsnifat mərhələsində “Feyenoord”la oynayacağı matça sayılı günlər qalmış, azarkeşlər transferlərin açıqlanmasını gözləyir. “Fənərbaxça”nın prezidenti Əli Koç dünən Divan Şurasının iclasında “Feyenoord matçında iki yeni transferimiz meydanda olacaq. İmza olmadığı üçün adlarını burada açıqlaya bilmirəm!” ifadələrini işlədib.

## Tərcüməçi çevirmədi

Təcrübəli baş məşqçi açıqlamasında, “Sədrdən ‘bura və bura…’ deyərək 2 təcili, bir də avqustun sonunda ola bilər dediyim 3 oyunçu istədim. İstədiyim oyunçuları adlarına qədər açıqca bilirlər. Bir tanesi dinamikalarımızı bilir, liderlik etməyi bilir, adaptasiyası da asan olacaq. Bu oyundan sonra sədr yəqin ki, ‘məşqçim və direktorum haqlıymış’ deyəcək…” sözlərini deyib.

Mourinyonun bu açıqlamalarının “Fənərbaxça” komandasının tərcüməçisi tərəfindən tərcümə edilmədiyi iddia edilib. Azarkeşlər bu açıqlamaları sosial mediada paylaşaraq Mourinyonun Əli Koçu tənqid etdiyini, lakin müsahibə zamanı tərcüməçinin bu sözləri əks etdirmədiyini bildiriblər. Bu vəziyyət sosial mediada böyük reaksiya doğurub.

24 saat