Fənərbaxça Texniki Direktoru Joze Mourinyo Portuqaliyada “Canal 11”-ə verdiyi geniş müsahibədə futbolun indiki vəziyyətindən tutmuş, öz karyera yoluna qədər bir çox məsələyə toxunub və səmimi açıqlamalar verib.
“20 İl Əvvəlki Mourinyo“
Mourinyo futbola olan həvəsini və enerjisini qoruyub saxladığını vurğulayaraq, “Bugünkü Mourinyo ilə 20 il əvvəlki Mourinyo arasında heç bir fərq yoxdur. Sadəcə, növbəti oyunu qazanmaq istəyirəm. İşimi çox sevirəm və məni dayandıracaq heç bir səbəb görmürəm. Ailəm də ən böyük motivasiya mənbəyimdir. Onlarla hər zaman birlikdə olmasam da, bu fədakarlıq mənə canlı və motivasiyalı olmağa kömək edir”, – deyib.
“Dünya Artıq Algılarla İdarə Olunur”
Müasir futbolun keçmişə nisbətən daha mürəkkəb olduğunu bildirən portuqaliyalı məşqçi, texniki direktorluğun dəyişən rolunu da qeyd edərək, “Bu gün ən vacib şey yüksək səviyyəli bir PR mütəxəssisinə sahib olmaqdır, çünki dünya artıq algılarla idarə olunur. Əvvəllər ən çox qazanan ən yaxşı sayılırdı, amma indi belə deyil. İndi ən yaxşı olan, ən çox alğı yaradan şəxsdir. Mən 2004-cü ildə Premyer Liqaya gəldim, həmin mövsüm Avropa çempionu idim. Bu gün Premyer Liqaya kimlərin texniki direktor kimi gəldiyini belə bilmirəm. Hörmətsizlik mənasında demirəm, bu bir reallıqdır. Artıq texniki direktorlar qələbə sayına görə deyil, statistikalara və verilənlərə görə seçilir. Algılar yaradılır və artıq qazanmaqdan daha vacib olan, ‘belə oynamaq’, ‘belə görünməkdir’. Bu baxımdan hər şey kökündən dəyişdi”, – sözlərini deyib.
“Fənərbaxça‘da İlk İl Kəşf!”
Karyerasında kubok qazana bilmədiyi nadir komandalardan birinin “Tottenhem” olduğunu xatırladan Mourinyo, “sarı-lacivərd” camiəyə dair də “Burada qazanma təzyiqi varmı? Bu mənim günahımdır, çünki keçmişdə çox qazanmışam. “Tottenhem”də çox qalmadım, amma bir final oynayacaqdım, finaldan iki gün əvvəl göndərildim. Romada qazandım və ikinci bir Avropa finalına çıxdım. Fənərbaxça, tam bir mövsüm keçirdiyim və nə bir final oynaya bildiyim, nə də kubok qazana bilmədiyim ilk klub oldu”, – ifadələrini işlədib.
Fənərbaxça‘dakı ilk mövsümünü geridə qoyan təcrübəli məşqçi, “Fənərbaxçada ilk il bir kəşf ili idi. Yeni bir dünyanı kəşf etmək kimi. Anlamaq üçün orada olmanız lazımdır. Bu il nələr olacağını görəcəyik”, – deyə bildirib.
“Gyökeres Fənərbaxça‘ya Gəlmir”
Transfer bazarı ilə bağlı yayılan şayiələrə də toxunan portuqaliyalı məşqçi, “Təəssüf ki, Gyökeresin gələcəyi yalandır. İnanılmaz bir oyunçudur, amma Fənərbaxçaya gəlmir. Transfer bazarı haqqında deyilən 3400 yalandan biri, Viktor Gyökeresin Fənərbaxçaya gələcəyi idi”, – deyə qeyd edib.
Bir gün Portuqaliyaya geri dönəcəyini deyən Mourinyo, “Bir gün özümü yenidən Portuqaliyada məşqçi kimi görəcəyəm və bir gün Portuqaliya milli komandasını çalışdıracağam. Portuqaliya ilə ya da deyil, bir Dünya Kubokunda olmaq istəyirəm, amma bu, Portuqaliya milli komandası ilə olmalıdır”, – sözlərini deyib.
“30 Saniyədə İnstagram”
Məşq metodlarının sürətlə yayılması ilə texniki inkişafın daha asan kopyalanabildiyini vurğulayan Mourinyo, bu vəziyyətin rəqabət balansına təsir etdiyini, “Bəzən Fənərbaxça TV-dən məşqdəki bəzi şeyləri çəkməməsini istəyirəm, çünki o məşqi hazırlamaq çox vaxtımı alır və əgər bir video internetə düşərsə, kimsə onu kopyalaya bilər. Bir məşqi inkişaf etdirmək üçün çox çalışıram, amma 30 saniyədə İnstagrama düşə bilir. Artıq ən inkişaf etmiş taktiki avadanlıqlar belə yalnız nəhəng klubların əlində deyil”, – sözləri ilə izah edib.
Texniki direktorların əlindəki heyətə görə planlarını formalaşdırması lazım olduğunu bildirən Mourinyo, bu barədə Pep Qvardiolanın oyun sisteminə toxunub. Mourinyo açıqlamasında, “Hər kəs Qvardiola kimi oynamağa çalışır, amma Ederson kimi bir qapıçın yoxdursa, bu mümkün deyil. Əlində olanlara uyğunlaşmalısan. Əks təqdirdə, ‘fikrimlə öldüm’ deyən texniki direktorlar olur ki, bu da axmaqlıqdır”, – ifadələrini işlədib.
24 saat
