Farioli Portoya imza atdı: Ajaxdan sonra yeni macəra
Niderland nəhəngi Ajaxdan ayrılan İtalyan baş məşqçi Francesco Farioli Portuqaliya klubu Portoya imza atıb. Türkiyədə Fatih Karagümrük və Alanyasporda çalışdıqdan sonra Nitsa (Nice) klubuna keçən gənc mütəxəssis, karyerasını Portuqaliyada davam etdirəcək. Francesco Farioli Ajaxın sükanı arxasında böyük məyusluq yaşamışdı. Son dörd turda rəqiblərini 9 xal qabaqlayan Ajax, bu üstünlüyü qoruya bilməmiş və çempionluğu PSV-yə uduzmuşdu.
Sergen Yalçının sərt tənqidləri xatırlandı
Fariolinin Portoya keçidindən sonra keçmişdə onun haqqında sərt ifadələr işlədən Sergen Yalçının sözləri gündəmə gəldi. Təcrübəli futbol mütəxəssisi, Fariolinin Super Liqada məşqçilik etdiyi dövrlərdə İtalyan məşqçiyə qarşı sərt tənqidlər ünvanlamış, Avropada karyerasını davam etdirdiyi zaman da bu eleştirilərini davam etdirmişdi.
Sergen Yalçın, daha əvvəl Francesco Fariolinin Ajaxın baş məşqçisi təyin edilməsi barədə belə demişdi: “Mən Fariolinin Ajaxa necə getdiyinə inana bilmirəm. Yəni inanmaq olmur! O, bir analitikdir, baş məşqçi deyil. Bizim Cenk onu Alanyaspora köməkçi kimi gətirmişdi. Oradan məşqçi oldu. Üç pasla belə məşqçi olarmı? Adam Nitsaya getdi, oradan da Ajaxa. İnanmaq olmur, bu, dünya komediyasıdır.”
Bu ifadələrdən sonra Francesco Farioli daha bir Avropa nəhənginə imza atarkən, Sergen Yalçın isə karyerasını şərhçi kimi davam etdirir.
