Qalatasarayın heyətində çıxış edən Nicolo Zaniolo, keçən mövsüm icarə əsasında Fiorentina klubunda oynadığı dövrdə üzləşdiyi xoşagəlməz hadisə səbəbindən cərimələnib. İtaliyalı futbolçu, 2025-ci il mayın 26-da keçirilən “Fiorentina” – “Roma” U-19 komandaları arasındakı qarşılaşmadan sonra baş verənlərlə futbol ictimaiyyətinin gündəminə gəlib. Bildirilir ki, o, matçın ardından soyunma otağında yaşanan mübahisəli hadisələrə görə 15 min avro məbləğində pul cəriməsi ödəməli olacaq.
HADİSƏ NECƏ BAŞ VERMİŞDİ?
Qeyd edək ki, 26 may 2025-ci il tarixində baş tutan “Fiorentina” ilə “Roma Primavera” gənclər komandaları arasında keçirilən oyunun fit səsləri ilə bitməsindən sonra soyunma otağında gənc futbolçulara qarşı fiziki müdaxilə etdiyi iddia edilib. Bu iddialar geniş rezonans doğuraraq araşdırılıb. Məhz aparılan araşdırmalar və irəli sürülən bu iddialar əsasında gənc hücumçu haqqında adıçəkilən cərimə qərarı qəbul olunub. Hadisənin dəqiq detalları hələ ki tam açıqlanmasa da, futbolçunun davranışı sərt şəkildə qiymətləndirilib.
