Mourinyo “Benfika” ilə debüt matçında qələbə qazandı
Portuqaliyalı məşhur məşqçi Joze Mourinyo “Fənərbaxça“dan ayrıldıqdan sonra “Benfika“nın baş məşqçisi kimi ilk matçına çıxıb. Portuqaliya Liqasının 6-cı həftəsində AVS ilə “Benfika” qarşılaşıb. CD das Aves stadionunda keçirilən matçda “Benfika” 3-0 hesabı ilə qələbə qazanıb.
“Benfika“nın qələbə qolları
Joze Mourinyo‘nun ilk matçında “Benfika“ya qələbə gətirən qolları 45+3-cü dəqiqədə Georgi Sudakov, 56-cı dəqiqədə penaltidən Vangelis Pavlidis və 64-cü dəqiqədə Franjo İvanovic vurub. Bu nəticədən sonra “Benfika” 5 oyunda 13 xala yüksəlib. AVS isə 6 matçdan sonra cəmi 1 xalla kifayətlənib.