Süper Liqanın yeni mövsümünə hazırlıqlar davam edir
Çaykur Rizespor komandası yeni mövsümə hazırlıqlarını davam etdirir. Komanda, 2025-26 mövsümünün ilk həftəsində, avqustun 10-da öz meydanında Göztepe ilə qarşılaşacaq.
Rizespor Mehmet Cengiz Tesisleri’nde baş məşqçi İlhan Palutun rəhbərliyi altında məşqlərə çıxıb və hazırlıqlarını davam etdirir. Məşqlər idman zalında isinmə hərəkətləri ilə başlayıb, daha sonra meydanda taktiki çalışmalarla davam edib. Məşqdən əvvəl komandanın kapitanı, təcrübəli müdafiəçi Casper Hojer jurnalistlərin suallarını cavablandırıb.
Komanda daha güclü olduğunu vurğulayan Hojer, qarşıdakı oyunla bağlı fikirlərini bölüşüb.
Danimarkalı müdafiəçi Hojer, komandanın daha güclü olduğunu bildirərək, “Xüsusilə komandaya qatılan təcrübəli oyunçuların hər biri özünü sübut etmiş oyunçulardır. Onlar bunu məşqlərdə də nümayiş etdirirlər. Onların qatacağı enerji ilə birlikdə azarkeşlər bazar günü tamam fərqli bir Rizespor görəcəklər”, – deyib.
Göztepe ilə oynanılacaq qarşılaşma ilə bağlı danışan Hojer, “Rəqib komandanın da yeni oyunçuları var. Onların dinamik oyun sistemi var və bizdən fərqli taktika ilə oynayırlar. Təzyiq qurmağa çalışacaqlar, sürətli oyunçulara malikdirlər. Biz ilk növbədə bu sürətli oyunçulara qarşı tədbirlər görəcəyik. Amma son oyunda da görüldüyü kimi, təzyiq altında qaldıqda, bu təzyiqdən çıxa bilsək, çox təsirli ola bilərik. Düşünürəm ki, həftə sonu bizim üçün çox ciddi mübarizə olacaq. Açıq desəm, meydanda əsl müharibə olacaq. Ancaq inanıram ki, biz bu mübarizədən qalib ayrılacağıq”, – deyə bildirib.
Hojer Süper Liqa klublarına gələn transferləri dəyərləndirib.
Çox önəmli transferlərin Süper Liqa‘nın səviyyəsini artırdığını qeyd edən Hojer, “Yeni gələn oyunçularla birlikdə bu səviyyə daha da yüksəlməyə başlayıb. Liqamıza çox önəmli transferlər gəlir. Bu, təbii ki, liqanın keyfiyyətini artırır. Onsuz da liqa çox önəmli və keyfiyyətini sübut etmiş bir liqadır. İndi bu oyunçuların qatılması ilə daha da keyfiyyətli hala gəlib. Açıqcası, bəzən bu oyunçuların bura necə gəldikləri, transfer haqlarının necə ödəndiyi məni təəccübləndirir. Amma digər tərəfdən də bundan böyük zövq alıram, çünki bu oyunçulara qarşı oynayacağam. Bu oyunçuların olduğu bir liqada oynayacağam. Bu da bir oyunçu kimi mənə böyük zövq verir. Bu oyunçuların burada olması liqaya daha çox diqqət cəlb edəcək. Eyni zamanda stadionların daha çox dolmasını təmin edəcək”, – deyə əlavə edib.
24 saat
