Hazırlıq matçında Fənərbaxça “Latsio”ya qalib gəldi
“Fənərbaxça” “Latsio” ilə hazırlıq oyununda gücünü göstərdi
Türkiyənin İstanbul şəhərində, “Fənərbaxça Şükrü Saracoğlu” stadionunda Fənərbaxça İtaliya A Seriyası təmsilçisi “Latsio” ilə qarşılaşıb.
Ev sahibi komanda oyuna İrfan Can Eğribayat, Oğuz Aydın, Mert Müldür, Yusuf Akçiçek, Oosterwolde, Brown, Fred, Bartuğ Elmaz, İrfan Can Kahveci, Szymanski və Jhon Duran ilk on birliyi ilə başlayıb.
Qonaq “Latsio” isə Provedel, Lazzari, Fuentes, Nielsen, Tavares, Guendouzi, Rovella, Dele-Bashiru, Cancellieri, Castellano, Zaccagni tərkibi ilə meydana çıxıb.
Matçın ilk 20 dəqiqəsində Fənərbaxça ön xətdə təzyiqini artıraraq bir neçə qol şansı əldə edib. Lakin, birinci hissə qolsuz bərabərliklə başa çatıb.
Oyunun 60-cı dəqiqəsində İrfan Can Kahvecinin vurduğu qol ilə Fənərbaxça hesabı açıb. Beləliklə, qarşılaşma sarı-lacivərtlilərin 1-0 hesablı qələbəsi ilə yekunlaşıb.
Jhon Duran ilk dəfə əsas heyətdə
Fənərbaxça‘nın yeni transferi, 21 yaşlı Jhon Duran ilk dəfə əsas heyətdə meydana çıxıb. Kolumbiyalı hücumçu, “Latsio” ilə oyuna ilk on birlikdə başlayaraq 56 dəqiqə meydanda qalıb. Bundan əlavə, Duran “Al İttihad” və “Benfika” matçlarının ikinci hissələrində də oyuna daxil olmuşdu.
Milan Skriniar oyunu tribunadan izlədi
Fənərbaxça‘nın Fransa təmsilçisi “Paris Saint-Germain”dən transfer etmək üçün razılığa gəldiyi Milan Skriniar, matçı tribunadan izləyib. Oyundan qısa müddət əvvəl İstanbula gələn slovakiyalı müdafiəçi, birbaşa stadiona gələrək oyunu izləyib.
Tribunalarda azarkeş coşğusu
Fənərbaxça azarkeşləri, “Latsio” ilə oynanan hazırlıq matçına böyük maraq göstəriblər. Tribunaların böyük bir hissəsini dolduran sarı-lacivərtli azarkeşlər, oyun boyunca komandalarına dəstək olublar.
