Yaponiya Türk PUA-larına Maraq Göstərir
Yaponiya, Çinin bölgədə artan hərbi fəaliyyətinə qarşı mübarizə aparmaq məqsədilə Türkiyədən pilotsuz uçuş aparatları (PUA) alması planlaşdırılır. Bu iddialara görə, Yaponiya Müdafiə Nazirliyi 2026-cı maliyyə ili büdcəsində 100 milyard yen (təxminən 670 milyon dollar) ayıraraq ölkədə hərbi PUA-ların yerləşdirilməsini hədəfləyir.
İlk mərhələdə Türkiyə istehsalı olan silahlı PUA-ların tədarük ediləcəyi, uzunmüddətli perspektivdə isə bu aparatların Yaponiyada yerli istehsalının həyata keçiriləcəyi bildirilir.
“Bayraktar TB2” və “KARGU” Gündəmdə
Xəbərdə hansı spesifik Türk PUA-larının alınacağı dəqiq açıqlanmasa da, yapon rəsmilərinin xüsusilə “Bayraktar TB2″yə marağı daha əvvəl də gündəmə gəlmişdi. 2022-ci ildə “Yomiuri Shimbun” qəzeti Yaponiyanın “Bayraktar TB2″ləri alaraq Çinə ən yaxın bölgə olan Ryukyu adalarına yerləşdirməyi planlaşdırdığını yazmışdı.
2025-ci il IDEF müdafiə sərgisində çıxış edən Yaponiya Hərbi Dəniz Qüvvələrinin zabiti İvade Yohey “Bayraktar PUA-ları çox maraq doğurur, detallarını öyrənmək istəyirik” ifadələrini işlətmişdi. Yaponiya, həmçinin, Türk müdafiə şirkəti STM tərəfindən inkişaf etdirilən “KARGU” kamikadze dronlarına da diqqət yetirir. “KARGU”, terrorla mübarizə və asimetrik müharibə şəraiti üçün nəzərdə tutulub və hazırda 10-dan çox ölkənin inventarında mövcuddur.
Regional Təhlükəsizlik Narahatlıqları və PUA-ların Rolu
Xəbərdə qeyd olunur ki, Yaponiya Müdafiə Nazirliyi ötən aprel ayında “PUA İşçi Qrupu” adlı bir qrup yaratmışdı. Son dövrlərdə Çinin Şərqi Çin dənizindəki hərbi fəaliyyəti, Şimali Koreyanın raket sınaqları və Rusiyanın hava sahəsinə yaxın uçuşları Yaponiyanın təhlükəsizlik narahatlıqlarını artırır. Bu kontekstdə, PUA-ların kəşfiyyat, müşahidə və çəkindirmə sahələrində kritik rol oynaması gözlənilir.
“Bayraktar TB2″nin Texniki Xüsusiyyətləri
“Bayraktar TB2” öz sinfində rəqabət apardığı digər taktiki PUA-lara nisbətən fərqli dizayn konfiqurasiyalarına malikdir. Arxa mühərrikli (itiyici), aşağı qanadlı, cüt quyruqlu, tərs V tipli quyruqlu bir dizayn konfiqurasiyası ilə diqqət çəkir. GPS-dən asılı olmayan uçuş xüsusiyyəti sayəsində elektron müharibə yayını olan bölgələrdə də uçuş həyata keçirə bilir.
- 18.000 fut əməliyyat yüksəkliyi
- 27 saat maksimum havada qalma müddəti
- Tam avtomatik uçuş nəzarəti və 3 ehtiyat avtopilot sistemi
- Yerüstü sistemlərdən asılı olmayaraq tam avtomatik eniş və qalxma xüsusiyyəti
- GPS-dən asılı olmayaraq daxili sensor birləşməsi ilə naviqasiya xüsusiyyəti
- 25.000 fut maksimum yüksəklik
