Aktyor İrem Helvacıoğlu ailəsi ilə dəhşətli yol qəzası yaşadı
Ötən həftə qızı Sora’nı qucağına alan tanınmış aktrisa İrem Helvacıoğlu, iki gün əvvəl körpəsi və həyat yoldaşı Ural Kasparla birlikdə Bağdad Prospektində gəzərkən dəhşətli bir yol qəzası ilə üzləşib. Hadisə zamanı bir avtomobilin vurduğu motosiklet idarəetmədən çıxaraq aktrisanın, əri və körpəsinin üzərinə doğru gəlib. Qəza nəticəsində motosiklet sürücüsü ilə yanaşı, İrem Helvacıoğlu da xəsarət alaraq xəstəxanaya yerləşdirilib. Şükürlər olsun ki, Sora körpə və Ural Kaspar hadisədən xəsarətsiz xilas olublar.
Aktrisa hadisə ilə bağlı açıqlama verdi
Yaşanan hadisədən sonra İrem Helvacıoğlu sosial media hesabında geniş bir açıqlama yayaraq hər kəsə təşəkkür edib. O qeyd edib ki, “Əvvəlcə maraqlanan, zəng edən hər kəsə çox təşəkkür edirik. Təəssüf ki, yol hərəkəti qaydalarının pozulması nəticəsində baş verən bir qəzanın qurbanı biz də olduq. Kaldırımda evimizə gedərkən arxamızda hərəkət edən bir avtomobillə motosikletin toqquşması nəticəsində, motosiklet idarəetməni itirərək bizi sanki biçib keçdi.”
Aktrisa əlavə edib: “Həmin an Sora qucağımda idi və mən başımın üstünə düşdüm. Başıma aldığım zərbə nəticəsində yaranan yaraya 10-12 tikiş vuruldu. Keçmişdə yaşadığım qəza səbəbindən yaranan əl sinir zədəm yenidən təkrarlanıb. Həyat yoldaşım Ural isə yıxılma nəticəsində xəsarət alıb. Bütün bunlara baxmayaraq, ən böyük şükür səbəbimiz qızımızı qoruya bilməyimiz və onun sağlamlığının yerində olmasıdır.”
Aktrisa qəzada iştirak edən və yaralanan hər kəsə keçmiş olsun diləklərini çatdıraraq vurğulayıb ki, “Bu hadisə, yol hərəkəti qaydalarına əməl etməməyin nə qədər ağır nəticələrə səbəb ola biləcəyini bir daha göstərdi. Buna görə də, yaşananların cəzasız qalmaması və oxşar hadisələrin təkrarlanmaması üçün hüquqi prosesin qətiyyətlə izləyicisi olacağıq.”
Ural Kaspar’dan nalayiq şərhə sərt reaksiya
Dəhşətli yol qəzasından sonra Ural Kaspar sosial mediada özü haqqında yazılan çirkin bir şərhi görəndə bərk qəzəblənib və həmin paylaşımı ifşa edib. Sözügedən şərhdə bir sosial media istifadəçisinin Kaspar barəsində bu ifadələri işlətdiyi görülüb: “Dəhşətli bir hadisədir… Dünəndən bəri təsirindən çıxa bilmədim. Bu qadın evləndiyindən bəri normal heç nə yaşamır. Məncə, bunların hamısı bədbəxt ərinin pis enerjisindən qaynaqlanır.”
“Hüquqi mübarizə aparacağam”
Şəxsi ünvanına bu cür nalayiq sözlər səsləndirən şəxsə qarşı məhkəməyə müraciət edəcəyini bildirən Kaspar deyib: “Dünən yaşadığımız qəzanın ağrılarını və travmasını ailə olaraq atlatmağa çalışarkən, hətta xəstəxana otağında belə bu cür ittihamlarla üzləşmək və adətən şəxsiyyətimə qarşı paylaşılan cümlələri oxumaq ən sadə dillə çox kədərlidir. Bu paylaşımları edənləri əvvəlcə Allaha həvalə edirəm. Lakin, hüquqi cəhətdən də bütün lazımi addımları atacağımı bilmənizi istəyirəm.”
