Otizm və futbolun birləşdiyi layihə
Otizmli şəxslərin cəmiyyətə inteqrasiyasını dəstəkləmək və bu mövzuda şüuru artırmaq məqsədilə Türkiyə Futbol Federasiyası (TFF) və Otizm Dəstək Təhsil Həmrəylik Dərnəyi (ODEDDER) əməkdaşlıq çərçivəsində əhəmiyyətli bir layihəyə imza atıb.
“Futbolda Fərq Yox, Sevgi Var”
“Futbolda Fərq Yox, Sevgi Var” devizi ilə reallaşdırılan layihə çərçivəsində otizmli uşaqlar, Türkiyə A Milli Futbol Komandasının oyunçularının şəkillərini çəkiblər. Bu xüsusi fotolar, 27 oktyabr Cümə günü saat 14:00-da TFF-nin ev sahibliyi ilə nümayiş olunacaq.
Ulduz futbolçular və otizmli gənclərin görüşü
Riva TFF Hasan Doğan Milli Komandalar Kamp və Təlim Mərkəzində keçirilən çəkilişlərdə, Türkiyə milli futbolçuları ilə otizmli şəxslər bir araya gələrək həm güclü bir əlaqə qurublar, həm də sənət vasitəsilə unudulmaz anlar yaşayıblar. Foto çəkilişində A Milli futbolçulardan Kənan Yıldız, Arda Güler, Merih Demiral, Orkun Kökçü, Mert Müldür, Berke Özer, Barış Alper Yılmaz, Yusuf Akçiçek, İrfan Can Kahveci, Kerem Aktürkoğlu, Demir Ege Tıknaz, Zeki Çelik, İsmail Yüksek, Samet Akaydın, Salih Özcan və Altay Bayındır iştirak ediblər.
Bu xüsusi layihə, futbolun birləşdirici gücünü sənətə çevirərkən, cəmiyyətə vacib bir mesaj da ötürür: “Otizm bir əngəl deyil, fərqli bir baxış bucağıdır.”
Sərgi və otizmə dəstək
27 oktyabr Cümə günü saat 14:00-da baş tutacaq təqdimat mərasimində sərgilənəcək fotolar, sadəcə maarifləndirmə yaratmaqla kifayətlənməyəcək; eyni zamanda satışa çıxarılaraq əldə ediləcək gəlir, otizmli uşaqların təhsilinə dəstək olacaq.
