Meksika Sitidə Dəhşətli LPG Tankeri Partlayışı: Ölənlər və Yaralılar Var
Meksika Sitinin İztapalapa rayonundan keçən əsas magistral yolda günorta saatlarında bir LPG tankeri aşıb.
Faciə Qurbanları: 4 Ölü, 90 Yaralı
Aşan tankerin partlaması nəticəsində ərazidə nəhəng alov topu yaranıb, ətraf döyüş meydanına çevrilib. Alovlar yaxınlıqdakı nəqliyyat vasitələrinə və binalara sıçrayıb. Hadisə yerinə çoxlu sayda polis, yanğınsöndürmə və təcili yardım briqadaları göndərilib. Meksika Siti Bələdiyyə Sədri Clara Bruqada verdiyi açıqlamada, bu faciədə 4 nəfərin həlak olduğunu, 90 nəfərin isə yaralandığını bildirib.
Kamera Görüntüləri: Panika və Xaos Anları
Partlayış nəticəsində çox sayda insanın bədənində yanıq xəsarətləri əmələ gəlib. Kameralara düşən görüntülərdə tanker üzərindən tüstü qalxdığı, daha sonra güclü partlayış baş verdiyi və ətrafdakı insanların həyatlarını xilas etmək üçün təlaşla qaçdığı müşahidə olunur.
Prezidentdən Başsağlığı və Araşdırma Başlandı
Meksikanın dövlət başçısı Klaudia Şeynbaum X sosial şəbəkəsindəki səhifəsində həyatını itirənlərin ailələrinə başsağlığı verərək, fövqəladə hallar qruplarının fədakar işinə görə təşəkkür edib. Faciədən sonra hər iki istiqamətdə nəqliyyat üçün bağlanan yol axşam saatlarında yenidən açılıb. Qəza ilə bağlı genişmiqyaslı araşdırmalara başlanılıb.