Beşiktaşlı azarkeşləri sevindirən xəbər: Josef de Souza geri dönür?
Sergen Yalçın və Josef de Souza arasında görüş
Beşiktaşın sabiq futbolçusu Josef de Souza yenidən ağ-qara formaya qayıda bilər. Braziliyalı futbolçu bu gün Beşiktaşın baş məşqçisi Sergen Yalçın ilə üz-üzə görüş keçirəcək. Əgər Yalçın razılıq versə, Josef de Souza Beşiktaşın texniki heyətinə qoşulacaq və Yalçının köməkçilərindən biri olacaq.
Josef de Souza-nın Beşiktaşdakı uğurları
Beşiktaşda çıxış etdiyi dövrdə göstərdiyi performansla komandanın çempionluğuna böyük töhfə verən 36 yaşlı braziliyalı oyunçu, Beşiktaş forması ilə 88 oyuna çıxıb, 9 qol vurub və 4 dəfə də qol ötürməsi edib.
Sosial mediadan dəstək mesajı
Jose de Souza ötən günlərdə sosial media hesabında paylaşım edərək, “Mən hər zaman ürəkdən Beşiktaşlıyam. Klubun bu istiqamətdə hər hansı bir ehtiyacı, istəyi olduğu təqdirdə, istər meydanın içində, istərsə də xaricində hər şeyi etməyə hazıram” demişdi.