Mourinhonun “Benfika”ya keçidi Sneijder tərəfindən şərh edilib
Futbol dünyasında gözlənilməz hadisələr yaşanmaqda davam edir. “Fənərbaxça” ilə yollarını ayıran məşhur baş məşqçi Joze Mourinho, uzun sürən müzakirələrdən sonra Portuqaliya nəhəngi “Benfika” ilə müqavilə imzalayıb.
Mourinhonun “Fənərbaxça” haqqında fikirləri
Joze Mourinhonun “Fənərbaxça”dakı vəzifəsinə Çempionlar Liqasından kənarlaşdıqdan sonra son verilib. Portuqaliyalı məşqçi “Benfika”ya imza atdıqdan sonra “Fənərbaxça”ya getməyi səhv addım hesab edərək, sarı-laciverdliləri “mədəni səviyyəsinin altında” olmaqda ittiham edib. Mourinho “Mənim üçün əsas məsələ dünyanın ən böyük klublarından birində baş məşqçi olmaqdır. Karyeram zəngin olub, müxtəlif ölkələrdə baş məşqçilik etdim, səhv qərar verdim, amma peşman deyiləm. Ancaq nəyi yaxşı, nəyi pis etdiyimizin fərqindəyəm. “Fənərbaxça”ya getməklə səhv etdim, amma son günə qədər əlimdən gələnin ən yaxşısını etdim. “Benfika”nı çalışdırmaq, öz səviyyəmə qayıtmaq deməkdir” ifadələrini işlədib.
Sneijderdən Mourinho şərhi
“İnter”də Mourinho ilə birlikdə çalışan və “Qalatasaray”da forma geydiyi dövrdə sarı-qırmızılıların əfsanələrindən birinə çevrilən Vesli Sneijder, Mourinhonun sözlərini dəyərləndirib.
De Telegraaf-ın xəbərinə görə, Mourinho “Benfika”dakı ilk mətbuat konfransında “Fənərbaxça” haqqında işlətdiyi sözləri dəyərləndirən Sneijder, portuqaliyalı məşqçinin bu ifadələrini doğru hesab etmədiyini bildirib.
Vesli Sneijder, Mourinhonun yeni vəzifəsi ilə bağlı “Mən o adamı sevirəm və hələ də onunla xüsusi bir bağım var. Ona ən yaxşısını arzu edirəm. Birlikdə gözəl vaxtlar keçirdik. Çox qısa sürdü, amma sanki illərlə birlikdə çalışmışıq kimi gəlir. Belə bir şey deməsi ağıllıca deyil. Bunu əvvəlcədən də bilirdi. Belə bir şey deməməli idi. Xüsusilə Türkiyədə bunu yaxşı qarşılamazlar. Bu, çox təəssüfedici haldır” şərhini verib.
