UEFA Çempionlar Liqası pley-off mərhələsinin ilk oyununda Fənərbaxça öz meydanında “Benfika” ilə qolsuz heç-heçə etdi. Qarşılaşmadan sonra Fənərbaxçanın baş məşqçisi Joze Mourinyo mətbuat konfransında açıqlamalar verdi.
## Güclü Rəqibə Qarşı Çətin Oyun
Mourinyo güclü bir rəqibə qarşı oynadıqlarını vurğulayaraq, “Fənərbaxça qol vura bilmədi, çünki çox güclü və yaxşı müdafiə olunan bir rəqibə qarşı oynadıq. 10 nəfər qalanda belə yaxşı oynamağı bacaran bir komandaya qarşı oynadıq. Oyunu idarə etməyi yaxşı bilirdilər. Görünməyən faullarla və hakimin də bir çox faul çalmasıyla oyunu yaxşı idarə etdilər. Qol vura bilmədik, çünki çox həll yolumuz yoxdur. Oyunu həll edə biləcək çox variantımız yox idi. Dünən gələn yeni oyunçumuzun bu gün oynamaq şansı olsaydı, əhəmiyyətli ola bilərdi. Sürətli oyunçularımız yox idi. Ona görə də oyunu dəyişdirə bilmədik. Məncə, çox gözəl bir oyun olmadı. Yaxşı mübarizə aparılan bir oyun oynadıq. Heç-heçə etmək istəyən bir rəqiblə oynadıq. Qazanmağı istəyən komanda keyfiyyətini göstərə bilmədi və qazana bilmədi” dedi.
## Tur Şansları Bərabərdir
Portuqaliyalı baş məşqçi turun favorisinin dəyişmədiyini və şansların bərabər olduğunu qeyd edərək, “Favori hissəsində bir şey dəyişmədi. Bu gün təcrübəsi ilə bunu göstərdi. Əhəmiyyətli anlarda oyunu necə davam etdirmələri lazım olduğunu göstərdilər. Səfərdə və evdə oynamaq fərqli şeylərdir. Dünən də dediyim kimi, əgər uduzsaq, onları təbrik edəcəyəm. Tur şansları bərabərdir indi. Kimin favori olduğunu deyə bilmərəm” deyə əlavə etdi.
## Künclərdən Gözlənilən Təsir Olmadı
Oyun öncəsi duran top mövzusunda işlər apardıqlarını, lakin qarşılaşmada bu mövzuda yaxşı olmadıqlarını vurğulayan Mourinyo, “Biz 3 künc zərbəsi vurduq. Künclər ilk oyunçunu keçmədi. Duran topları çalışdığımızı deyə bilərəm. 2 metrlik oyunçular ola bilər, amma künc ilk adamı keçməzsə, təhlükə yaratmaz. Mən belə 3 vəziyyət xatırlayıram” ifadələrini işlətdi.
## Keremin Oynaması Gözlənilən İdi
Kərəm Aktürkoğlunun mümkün transferindən sonra bu matçda forma geyməsi ilə əlaqədar düşüncələri soruşulan portuqaliyalı baş məşqçi, “Məncə, “Benfika” bu mövzuda sadəcə idman mənasını düşündü. İqtisadi mənada düşünmədi. “Benfika”, Kərəmi əhəmiyyətli qiymətlərə sata bilərdi. Amma öncəliklə, indi idman vəziyyətinə əhəmiyyət verdi. Məşqçi oyunçunun oynamasını istədi. Böyük bir klub kimi davrandı. Qruplara qalmaq üçün Kərəmi oynatdı. Mənim üçün Kərəmin oynaması sürpriz olmadı” şəklində cavab verdi.
## Müdafiəyə Çəkilməkdən Çəkinmərəm
Qonaq komandanın çoxlu müdafiəçi ilə oynadığını söyləyən Mourinyo, sözlərini belə davam etdirdi: “Benfika kimi bir komandanın oyuna bu şəkildə başlaması və bu şəkildə oynaması bizə hörmət etdiklərini göstərdi. Daha çox potensialı olan bir komanda. Burada “Feyenoord” matçındakı oyunu gördülər. 5 müdafiəçi ilə oynadılar, strateji olaraq istədikləri nəticəni aldılar. Məncə, onlar üçün yaxşı bir nəticə oldu. Tənqid edəcək başqa bir şey yoxdur. Mən “Barselona” qarşısında 10 nəfərlə müdafiə oynamışdım”.
## Komanda Müdafiədə Yaxşı İşlədi
Komanda olaraq yaxşı müdafiə etdiklərini qeyd edən Mourinyo, sözlərini bu şəkildə tamamladı: “Komanda olaraq yaxşı müdafiə etdik. “Benfika” çox bir şey yarada bilmədi. Əks-hücumlarını dayandırdıq, çıxışlarını blokladıq. Bəzi dövrlərdə topa çox sahib oldular. Uzun boylu oyunçulara təzyiq etdirmək çətindir. Təhlükəsiz bir oyun oldu. Qapımızda çox böyük bir təhlükə olmadı. Mən şənbə gününü düşünmək istəyirəm. “Benfika”, Lissabonda fərqli olacaq. Qazanarlarsa, keçəcəklər. Bizim üçün də elə. Necə ki, 3-0, 4-0 qazanmağımıza ehtiyac yoxdur. Keçən il burada “Rangers”ə uduzduq. Demək olar ki, keçirdik. “Rangers”i “Benfika” ilə müqayisə etmək istəmirəm, amma hələ də sağırq”.
24 saat
