UEFA Çempionlar Liqasının 3-cü təsnifat mərhələsinin ilk oyununda Fənərbaxça səfərdə Hollandiyanın “Feyenoord” komandasına 2-1 hesabı ilə məğlub olub.
## Mourinho: “Oyunçularımın çıxışından razıyam”
Matçdan sonra keçirilən mətbuat konfransında fikirlərini bölüşən Joze Mourinho bunları qeyd edib:
“Oyunçularım əla çıxış etdi. Xüsusilə ikinci hissədəki səhvlər istisna olmaqla, komandanın oyunundan razıyam. İkinci hissədə bu möhtəşəm stadion sükuta qərq oldu. Oyuna tam nəzarət etdik.”
“Ehtiyat oyunçular skamyasında kifayət qədər müdafiə variantımız var idi, lakin Cenk və Jhon istisna olmaqla, kənarda oynaya bilən oyunçu çatışmazlığı hiss etdik. Hücumda sürətli oyunçuya ehtiyacımız var.”
“Oyunçularımın çıxışından məmnunam. İkinci oyunda da eyni heyətlə oynayacağıq və heyətə Taliska da əlavə olunacaq. Taliska rəqibə zərər verə bilər və bizə kömək edə bilər.”
“Hazırda soyunma otağında kədər var, lakin eyni zamanda özünə inam da mövcuddur.”
“Mən hakimləri tənqid etməklə tanınıram, lakin hakim bu gün əla idi. Matça nəzarət etmək üçün kartlardan istifadə etmədi. Çox yüksək səviyyəli hakim performansı var idi.”
## “Feyenoord“a qarşı ikinci matçlarda həmişə qalib olmuşam”
Portuqaliyalı baş məşqçi Amrabatın komandadan ayrılıb-ayrılmayacağı ilə bağlı suala “Yay transfer pəncərəsində çoxlu xəbərlər çıxır” cavabını verib.
Özü haqqında da çoxlu iddiaların ortaya atıldığını deyən Mourinho, “Mənim üçün də gün ərzində 23 saat telefonla danışdığım, 500 oyunçu ilə görüşdüyüm yazılıb. Mən yalnız Skriniar ilə görüşmüşəm” deyə əlavə edib.
Tur şansını yüzdə 50 olaraq qiymətləndirən Joze Mourinho bunları söyləyib:
“Oyunu itirdik, lakin döyüşü itirmədik. Mən əvvəllər bu stadionda heç vaxt qazanmamışam, lakin bu komandaya qarşı oynadığım ikinci matçlarda həmişə qalib olmuşam. Batil inancları olan birisi deyiləm. Bu gün “Rəqib bizə çox çətinlik yaşatdı” desəydik, bəlkə ikinci matç üçün tərəddüd edərdim. İlk hissədə bizdən bir az daha yaxşı idilər, lakin ikinci hissədə biz daha da yaxşı idik. İkinci matçı da 3-0 və ya 4-0 qazanmağımıza ehtiyac yoxdur, tək fərqlə qazansaq, matç əlavə vaxta gedir. Sizi ikinci matçlardan sonra həmişə üzgün görmüşəm. Siz də indi İstanbula xoş gəlmisiniz, Kadıköyə xoş gəlmisiniz, cəhənnəmə xoş gəlmisiniz.”
24 saat
