admin

Tag: #Kavğa

  • Acun Ilıcalının komandasında dava düşdü, futbolçular baş məşqçini döydü

    Acun Ilıcalının komandasında dava düşdü, futbolçular baş məşqçini döydü

    Acun Ilıcalının komandasında şok ayrılıq!

    Mariborda gözlənilməz baş məşqçi dəyişikliyi

    Türkiyəli iş adamı Acun Ilıcalının sahibi olduğu Sloveniya Ligi təmsilçisi Maribor klubunda Radomir Djalovic dönəmi cəmi 15 gün davam edib.

    Radomir Djalovicin istefa səbəbi nədir?

    Ekipa24-ün məlumatına görə, Radomir Djalovic məşq zamanı baş verən gözlənilməz hadisədən sonra Maribordan ayrılmaq qərarına gəlib.

    Məşqdə kütləvi dava baş verdi

    Mariborun iki aparıcı oyunçusu – Omar Rekik və Benjamin Tetteh məşq zamanı mübahisə edib. Daha sonra mübahisə əlbəyaxa davaya çevrilib. Qaradağlı baş məşqçi davaya müdaxilə etməyə çalışarkən zərbələrin hədəfinə düşüb.

    Djalovic bu hadisəni “böyük hörmətsizlik” kimi qiymətləndirib və dərhal istefa ərizəsini təqdim edib. Qeyd edək ki, Acun Ilıcalının sahibi olduğu Maribor klubunda Djalovicdən əvvəl də Tuğberk Tanrıvermişlə yollar ayrılmışdı. Türkiyəli məşqçi ayrılıqdan sonra klubu idarə edənləri sərt şəkildə tənqid etmişdi.

    24 saat

  • Ermənistan Parlamentində dava: İqtidar və müxalifət əlbəyaxa oldu

    Ermənistan Parlamentində dava: İqtidar və müxalifət əlbəyaxa oldu

    Sarkisyan kürsüdə etdiyi çıxışda, barəsində veriləcək qərarın öncədən alındığını iddia edərək, mümkün bir həbsdən əvvəl ailəsi ilə vaxt keçirmək istədiyini bildirib. Bu açıqlama Artur Sarkisyanın hüquqi vəziyyətinin ciddiliyini bir daha vurğulayıb.

    SALONU TƏRK ETMƏK İSTƏDİ

    Çıxışının ardından ümumi iclas salonunu tərk etmək istəyən Artur Sarkisyana iqtidar partiyasından bəzi millət vəkillərinin sözlü sataşması nəticəsində parlamentdə gərginlik yaranıb. Qısa zamanda mübahisə böyüyərək təpik və yumruqların atıldığı əlbəyaxa davaya çevrilib. Həmin anlarda salonun içində su şüşələri fırlatılır, bəzi deputatlar bir-birini fiziki zərbələrlə vururdu. Yaranan parlamentdə gərginlik tezliklə kütləvi insidentə çevrilib.

    TƏRƏFLƏRİ AYIRA BİLMƏDİLƏR

    Hadisələrə müdaxilə edən Dövlət Mühafizə Xidməti əməkdaşları tərəfləri ayırmaqda böyük çətinlik çəkib. Yaşanan qarışıqlığın ardından iclasa fasilə verilib, lakin dava bir müddət ümumi iclas salonunun xaricində də davam edib. Bu insident ölkə siyasi mühitindəki gərginliyi bir daha üzə çıxarıb.

    NƏ BAŞ VERMİŞDİ?

    Xatırladaq ki, Ermənistan Baş Prokurorluğu Artur Sarkisyan haqqında “terror hücumu hazırlığı” və “hakimiyyəti ələ keçirmə planı” ittihamları ilə cinayət işi başlatmış və onun deputat toxunulmazlığının qaldırılması üçün parlamentə müraciət etmişdi.

    24 saat