Fenerbahçe baş məşqçisi Domeniko Tedesko, “Nitsa” üzərində 2-1 hesablı qələbədən sonra açıqlamalar verib. Kerem və Asensionun çıxışlarına toxunan Tedesko, komandaya yeni qan lazım olduğunu vurğulayıb.
‘Hər kəs hazırdır’
“Bizim üçün gözəl bir qələbə oldu. Bir çox məsələdə irəliyə doğru addım atdıq. Matç ərzində komandanın göstərdiyi xarakter, özünə inam, meydanda mövqe baxımından inkişaf edirik. İnkişaf etmək üçün müsbət anlara, qollara ehtiyacınız var. Kerem qollar vurduğu üçün, ikinci hissədə oyuna daxil olan oyunçulardan razıyam. Hər kəs hazırdır. Bu da gözəl bir göstəricidir.”
‘Hər matçda eyni heyətlə oynaya bilmərik’
“Əvvəlki matçın heyəti ilə davam etdik. Zaqreb matçından sonra sabitliyin əhəmiyyətindən danışmışdıq. Sabitliyi inkişaf etdirmək lazımdır. Özünə inamı yaratmaq çətindir və vaxt aparır. Hər 3-4 gündən bir oynadıqda, hər matçda eyni heyətlə oynaya bilmərik. Yeni qana ehtiyac duyarsınız. Asensio dünən soyuqlamışdı, yüksək hərarəti yox idi, amma oynaması sual altında idi. 60 dəqiqə ərzində performans göstərdi, onun əvəzinə daxil olan da töhfə verməyə hazır idi. Bu da vacib idi. Ehtiyat oyunçularına da güvənməliyik. Onlar da kömək edə bilirlər. Güvən, güvən, güvən!”
Mourinyonun iş üsuluna göndərmə
Fenerbahçenin keçmiş baş məşqçisi Joze Mourinyonun məşq sisteminə işarə edən Tedesko, “Hazırlıq dövrü ilə bağlı fikrim yoxdur. Mən burada deyildim. Mövsüm öncəsi necə bir hazırlıq düşərgəsi keçirildiyini bilmirəm, burada deyildim. İkinci hissədəki enişin səbəbi ilk hissədə etdiyimiz şiddətli presinqdir. Komanda 90 dəqiqə ərzində əla bir gücə sahib deyil. Əskikliklər var”, – deyə bildirib.
‘Lüksüm olsun istəyirəm’
“Bazar günü oynayanlar bir istinad yaratdılar. Sonradan girənlər də böyük töhfə verdilər. Kimin əsas heyətdə başlayacağına dair lüksüm olsun istəyirəm. Bu gün komanda ardıcıl ikinci dəfə performans göstərdi. Bu böyük bir addım idi. Bəzən də istədiyinizi edə bilməzsiniz. Etmək üçün avtomatlaşmaq lazımdır. Ardıcıl sabitlik göstərərək performans təmin edərsiniz. Kerem bu gün 2 qol vurdu. Onun üçün, komanda üçün, azarkeşlər üçün xoşbəxtəm.”
‘Kerem-in fərdi bacarıqları var’
“İki oyunçunu müqayisə etmək çətindir. Nkunku ikinci bir hücumçu kimi oynayırdı; Nene də gənc bir oyunçudur, matçlar oynamağa, özünə inam qazanmağa ehtiyacı var. Yaxşı bir performans sərgiləyir. Potensialı olan gənc bir oyunçu.”
“Kerem-in rolu çox vacib idi. Kerem qol vurmasa belə, onun tempini, səyini, təzyiqini, köməyini görə bilirsiniz. Enerjisi bitdiyində onu çıxarmaq məcburiyyətində qaldıq. Yüksək səviyyəli və ağıllı bir oyunçu. Fenerbahçedə olduğu üçün xoşbəxtik. Kerem-in fərdi bacarıqları var, zaman-zaman kənarda, zaman-zaman içəridə dəyərləndiririk. 4-3-3 oynadığımızda səkkiz nömrələr ona meydan açır və o da xətlər arasında topla görüşə bilir.”
