Sibel Taşçıoğlu “Kızılcık Şerbeti”ndən Niyə Ayrıldı?
“Kızılcık Şerbeti” serialında Pembe obrazını canlandıran məşhur aktrisa Sibel Taşçıoğlu, ssenari dəyişikliyi səbəbindən ekran işindən qəfil uzaqlaşdırılması ilə geniş müzakirələrə səbəb olmuşdu. Aktrisanın serialdan ayrılığı böyük əks-səda doğursa da, qısa müddət sonra yeni mövsümün iddialı layihələrindən olan “Çarpıntı“nın heyətinə qatıldığı elan olundu.
“Kızılcık Şerbeti” dördüncü mövsümünə hazırlaşarkən layihədən çıxarıldığı bildirilən Sibel Taşçıoğlu, ayrılıq qərarını cəmi bir həftə əvvəl bildiyini qeyd etmişdi. Sosial media hesabında yayımladığı vidalaşma mesajında üç mövsüm boyunca ürəkdən bağlı olduğu hekayəyə əlvida dediyini bildirərək, tamaşaçılara və ekran heyətinə təşəkkür etmişdi.
“Ssenari Tələbi İlə”
Vidalaşma mesajından sonra diqqətçəkən bir inkişaf yaşandı və Sibel Taşçıoğlu serialın ssenaristi Zeynep Gürü İnstaqram səhifəsindən izləməyi dayandırdı. Bu vəziyyəti xəbərlərdən öyrəndiyini deyən Zeynep Gür isə “Bu, bir hekayə məsələsi idi. Mən həmişə peşəkar düşünürəm və belə də davam edəcək. Serial məntiqində hekayə əsasdır” ifadələrini işlədərək, etirazların sosial media üzərindən bildirməsini uşaqcasına hərəkət hesab etdiyini vurğulamışdı.
“Gözlədiyim Bir Sonluq Deyildi”
Ayrılıqdan sonra Sibel Taşçıoğlu ilk dəfə açıqlama verdi. Məşhur aktrisa “Pembe üçün gözlədiyim bir sonluq deyildi. Ssenarini mən yazsaydım, fərqli bir son düşünərdim. Öləcəyimi gözləmirdim. Amma ssenaristlər belə münasib görmüşlər. Başqa bir layihəyə keçdiyi iddiaları yalandır. ‘Xəstəliyə tutuldu, müalicə üçün ayrıldı’ şayiələri də əsassızdır” dedi.
Yeni Rolu İlə Bağlı Açıqlamalar
Sibel Taşçıoğlu yeni serialı “Çarpıntı“nın heyətinə qatıldıqdan sonra 99-cu Qazi Yarışını seyr edərkən yeni rolu ilə bağlı bəzi təfərrüatları bölüşdü. Yeni ekran işində Deniz Çakır ilə baş rolu bölüşəcək sənətçi, yenə də ana obrazını canlandıracağını bildirdi: “Gənc bir qızın anası rolundayam. Əslində bu, güclü bir qadın hekayəsidir. Bir ürək nəqli hekayəsi də var, amma çox təfərrüat verməyim”.
24 saat
