Fenerbahçedə ard-arda ayrılıqlar
Transfer pəncərəsinin son saatları yaxınlaşdıqca klublarda hərəkətlilik davam edir. Son 24 saat ərzində etdiyi transferlərlə diqqət çəkən Fenerbahçedə ayrılıqlar bir-birinin ardınca yaşanır.
Fenerbahçedə Yusuf Akçiçekdən sonra daha bir ayrılıq baş tutub. Sarı-lacivərdli komanda braziliyalı stoper Dieqo Karlos ilə yollarını ayırıb. Dieqo Karlosun İtaliya A Seriyası təmsilçisi Komoya icarəyə verildiyi açıqlanıb. Fenerbahçedən verilən açıqlamada bu ifadələrə yer verilib: “Klubumuz, braziliyalı oyunçumuz Dieqo Karlosun icarə transferi mövzusunda İtaliyanın Komo Klubu ilə razılığa gəlib. Dieqoya zədələrdən uzaq, uğurlu bir mövsüm arzulayırıq.”
Amrabat və Livakoviç də komandanı tərk etdi
Fenerbahçe gecə yarısı daha iki ayrılıq barədə məlumat yayıb. Sarı-lacivərdlilər Amrabatın Real Betisə, Livakoviçin isə Jironaya transfer olduğunu açıqlayıb. Hər iki transfer də icarə əsasında reallaşıb.
