Pınar Altuğ Həyatının Böyük Cəsarətini Açıqladı: “Millətə Qalsa Çoxdan Ayrılmışdıq”
Pınar Altuğ Uğurkan Erez və Erol Albayrakın YouTube-da yayımlanan “Şimdi Konuşmak Moda” verilişinin qonağı olub.
Məşhur aktrisa, həyat yoldaşı Yağmur Atacanla 2006-cı ildə yayımlanan “İlk Aşkım” serialının çəkiliş meydançasında tanış olduqlarını bildirib. Pınar Altuğ qeyd edib: “Yağmur qaydaları tanımayan bir insandır. Çəkiliş meydançasında qapını açdı, içəri girdi və dodaqlarıma yapışdı. Münasibətimiz o anda başladı. Yağmurla 19 ildir ki, bir yerdəyik və 17 ildir xoşbəxt evliliyimiz var. Əgər etdiyin şeydən əminsənsə və daxilən rahatsansa, heç kimə hesabat vermək məcburiyyətində deyilsən. Həyatımın ən böyük cəsarət nümunəsi ərimlə birlikdə olmaq idi. İnsanlara qalsaydı, biz çoxdan ayrılmışdıq.”
Maddi Sıxıntılar və Modellik Həyatı
Pınar Altuğ şöhrət yolculuğunun da maddi çətinliklərlə başladığını vurğulayıb. Əvvəlcə modellik edən, sonra isə aktrisalığa keçən sənətçi, liseyi bitirə bilmək üçün podiumlara addım atdığını dilə gətirib:
“İlk dəfə podiuma çıxanda 17 yaşım vardı. Atamı itirdiyim üçün bu sahəyə girməyə başladım, çünki pula ehtiyacım vardı. Özəl məktəbdə oxuyurdum və anamın həm evimizi dolandırıb, həm də məktəb xərclərimi ödəmək imkanı yox idi.”
“Həmin günə qədər bütün maddi yük atamın üzərində idi. Ata gedincə pul da getdi. Anam dedi ki, ‘Liseyin birinci sinifindən sonra Sent-Benua məktəbini tərk edirsən. Son iki ili başqa bir məktəbdə oxuyacaqsan’. Bu, çox ağır bir hiss idi, çünki altı il orada oxumuşdun və son iki il pul üzündən məktəbindən imtina edirdin.”
“O dövrdə təsadüfən Neşe Erberklə tanış olmuşdum, mənə manikenlik təklif etmişdi. Atam sağ olarkən buna əsla icazə verməyəcəyini düşündüyüm üçün bu mövzuya girməmişdim. Sonra anamla gedib danışdıq və modellik yolum açıldı. Bir yandan məktəbə gedib, bir yandan da manikenlik etməyə başladım.”