Cinayətlər, qurbanların yaşlı və sağlamlıq problemləri səbəbindən ölümlərinin təbii səbəblərdən qaynaqlandığı zənn edildiyi üçün 20 ildən artıq bir müddət ərzində aşkarlana bilməyib.
Sistematik şəkildə özündən yaşca böyük kişilərlə evlənib, onların əmlakını və mehir pulunu əldə etdikdən sonra müxtəlif yollarla zehərləyən 56 yaşlı Kolsum Akbari, İranda ölüm cəzası ilə mühakimə olunur.
2000-ci ildə başlayan seriyalı cinayətlər 2023-cü ilə, qadının son qurbanı olan 82 yaşlı Qulamreza Babayinin öldürülməsindən sonra həbs edilməsinə qədər davam edib. Babaeyin oğlu, bir ailə dostunun öz atasının da daha əvvəl Kolsum adlı biri ilə evli olduğunu və qadının atasını zehərləməyə cəhd etdiyini bildirməsindən sonra şübhələnib. Ailə bu şübhə əsasında vəziyyəti polisə xəbər verib.
Qatil Neçə Nəfəri Öldürdüyünü Xatırlamır
Kolsum Akbari, istintaq zamanı öldürdüyü keçmiş ərlərinin sayını xatırlamasa da, cinayətləri etiraf edib. Akbari deyib: “Neçəsini öldürdüyümü bilmirəm. Bəlkə 13 ya da 15 nəfər idi, dəqiq neçə nəfəri öldürdüyümü xatırlamıram.”
Şiddətlə Keçən İkinci Evliliyi
Akbarinin yaxınlarının İran mətbuatına verdiyi məlumata görə, o, ilk dəfə 18 yaşında psixi sağlamlıq problemləri olan bir kişi ilə evlənib və bu evlilik qısa müddətdə başa çatıb. İkinci evliliyini isə ilk evliliyindən uşaqları olan, özündən yaşca xeyli böyük biri ilə qurub. İkinci əri ilə evliliyi illər çəkib və yaxınlarının sözlərinə görə, illər boyu əri və ögey oğullarından şiddətə məruz qalıb.
İkinci ərinin ölümündən sonra qatıldığı mühitlərdə tənha və yaşlı kişilərlə evlənmək istədiyini dilə gətirib.
Qətl Metodu: Dərmanlar və Spirt
Qadın, potensial qurbanları qızlarının tanışları vasitəsilə tapırdı və onların maddi vəziyyətini öyrəndikdən sonra yüksək mehir pulu ilə evlənməyə razı olurdu. Daha sonra qurbanlarını təzyiq dərmanları, diabet dərmanları, sakitləşdiricilər və bəzi hallarda etil spirtinin kombinasiyaları ilə tədricən zehərləyirdi.
Dərmanlar təkbaşına kifayət etmədikdə, qurbanlarını yastıq və dəsmallarla boğaraq qətlə yetirirdi. Cinayətlər İranın şimalındakı Mazandaran əyalətinin Sari, Neka, Mahmudabad, Babol və Qaimşehr kimi bir çox şəhərində baş verib.
Fərqli Şəhərlərdə Evlilik və Gizli Cinayətlər
Məlumatlara görə, bu coğrafi yayılma, səlahiyyətlilərin illər boyu ölümlər arasında əlaqə qurmasına mane olub. Təsdiqlənmiş qurbanlar arasında 2013-cü ildə evləndikdən bir ay sonra vəfat edən 69 yaşlı Mirəhməd Omrani, 2016-cı ildə toyundan iki ay sonra ölən 62 yaşlı İsmayıl Baxşi və evləndikdən 43 gün sonra dünyasını dəyişən 83 yaşlı Gəncəli Həmzeyi var idi.
Masih Nemati adlı keçmiş ərlərindən biri 2020-ci ildə zəhərli şərbət içdikdən sonra Akbarinin zehərləmə cəhdindən sağ qurtulub. O, qadını evindən qovsa da, polisə şikayət etməyib.
İddiaçılar Edam Cəzası Tələb Edir
Ötən çərşənbə günü Sari İnqilab Məhkəməsində keçirilən məhkəmə prosesində dörd qurbanın ailələri, İslami qanunlara əsasən Akbarinin edamını tələb ediblər. Məhkəmə işi, vəfat edən ailə üzvlərinin birbaşa varisləri və qohumları da daxil olmaqla, 45-dən çox iddiaçını əhatə edir.
Akbari əvvəlcə ittihamları rədd etsə də, hadisə yerinin canlandırılması görüntüləri məhkəmədə göstərildikdən sonra cinayətləri etiraf edib. Vəkili onun psixi sağlamlıq qiymətləndirməsinin aparılmasını müdafiə etsə də, iddiaçılar bu iddianı rədd ediblər.
Öldürülən keçmiş ərlərdən birinin ailə üzvü, “Bu qədər nüfuzlu ailəni aldadan bu cür usta bir plan qurmaq, ağıl xəstəsi birinin işi ola bilməz” deyərək, istifadə olunan mürəkkəb dərman kombinasiyalarına və dəqiq planlaşdırmaya diqqət çəkib.
Mülklər və Mehir Pulları Cinayətin Əsas Səbəbi
İttihamnamədə 11 qəsdən adam öldürmə və bir qəsdən adam öldürməyə cəhd ittihamı irəli sürülüb. Prokurorların sözlərinə görə, Akbari miras qalan əmlakı və mehir pullarını adətən qızının adına keçirirdi. Bu, seriyalı qatilin əsas motivlərindən biri olaraq göstərilir.
Hadisə İranda Fenomenə Çevrilib
Hadisə İranda böyük rezonans doğurdu. Cütlüklər arasında zarafatlara səbəb oldu və Fars Yeni İli tətilində yayımlanan məşhur dövlət telekanalı serialına ilham verdi. Serialda bir obraz ona istinadla adlandırılıb.
Serial Akbaridən birbaşa bəhs etməsə də, İranlı tamaşaçılar əlaqəni anlayıb və işlə bağlı bir çox məzmun yaradıblar. Qurban yaxınları, işin sosial media zarafatlarına çevrilməsindən narahatlıqlarını dilə gətiriblər.
“Bu hadisə bizim üçün çox çətin və qorxulu idi, çünki bu cinayətin qurbanları bizim atalarımız idi. İndi bu işdə sürətli ədalət və hərtərəfli istintaq görmək əvəzinə, acımızı dərinləşdirən zarafatlar görürük.”
Məhkəmə, işdəki bütün iddiaçıları dinlədikdən sonra hökmünü elan edəcək.